<div class="version vid2891 iso6393saj" data-vid="2891" data-iso6393="saj">
   <div class="book bkACT">
      <div class="chapter chINTRO1" data-usfm="ACT.INTRO1">
         <div class="imt"><span class="content">Demo ma mulaingi</span></div><div class="ip"><span class="content">Surata nena-ne, surata ma soi &#7695;i&#7695;i ga'a Lukas 'a lefo re enanga ma dowanga toma Habari Roanga ga'a unanga 'o lefo ma si&#7695;a. Toma surata nena-ne ma dara, Lukas 'a sijarita mangale 'oru ga'a Yesus 'ai so-soma'a ya si'a'a wakutu Ma Jou Yesus dadunu ro 'ahu toma ngowa'a senge-sengene manga sigolona, re Ro pere da'u soroga. So-soma'a nga mu&#7695;i&#7695;i ananga 'a&#7695;i dadi jarita ma cimi: matengo 'a Petrus (1:12) re matengo &#7695;i'i 'a Paulus (13:18). Toma surata nena-ne, ngene wa baca mangale Yesus 'ai so-soma'a manga do-doto'o ma mulaingi (2:32-33, 36, 38-39, 4:12, 13:26-33, 16:31)</span></div><div class="ip"><span class="content">Yesus 'o pere sie da'u soroga nyangu, Unanga 'o kanau Tai me-mete'e: &#8220;Ngini &#7695;uanga ni sanga kuasa, wakutu Ma Ngagara 'Ofi-'Ofi 'i 'uci ra ngini. Toma 'orasa gena-ge ngini ni dadi Ngoi 'ari sakisi toma limau Yerusalem toma tana'a Yudea, re Samaria, ngadolo toma dungia sitabi donga&#8221; (1:8). Bu-bula'a gena-ge 'i dadi ma mulaingi. Ma Ngagara 'Ofi-'Ofi 'i pula'a kuasa ra Yesus 'ai so-soma'a, la ananga 'a&#7695;i singadolo Habari Roanga: ma mulaingi toma limau Yerusalem, toma daeraha Yudea re Samaria, re toma daeraha ngowa'a Yahudi ua, kara ma &#7695;o-&#7695;ogumu 'i ngadolo toma limau Roma.</span></div><div class="ip"><span class="content">Ma mulaingi, Yesus 'ai so-soma'a mo-moini ngowa'a Yahudi re ananga 'a&#7695;i singadolo Habari Roanga pa'i toma ngowa'a Yahudi &#7687;ato (11:19). Mada'a ngowa'a Yahudi manga repe, ananga 'a&#7695;i dawongo ua Habari Roanga, sababu gena-ge ananga 'a&#7695;i singadolo Habari Roanga toma ngowa'a Yahudi ua (13:45-46, 18:6, 28:28) Toma balangu nyagi moi re romotoa, Lukas 'a sijarita mangale lo-lomu lamo'o, ga'a Yesus 'ai so-soma'a ananga ya 'a'a toma limau Yerusalem. Toma lo-lomu gena-ge ananga ya putusu so'o ne: Ngowa'a Yahudi ua ga'a ra&#7695;i ngaku Yesus, ananga 'a&#7695;i mete'e riwara 'a Musa 'ai hukumu.</span></div><div class="ip"><span class="content">Wakutu Lukas 'o lefo surata nena-ne, unanga 'ai maksudu di'a ngowa'a ga'a baca so'o ne: 'Agama Kristen 'i malawana ua Pamarenta Roma.</span></div><div class="iot"><span class="content">Ma dara:</span></div><div class="io1"><span class="content">1. Yesus 'ai so-soma'a manga munara toma limau Yerusalem (balangu 1-7)</span></div><div class="io1"><span class="content">2. Habari Roanga singadolo toma daeraha Samaria re Yudea (balangu 8-12)</span></div><div class="io1"><span class="content">3. Paulus 'ai &#7695;o-&#7695;agi ma mulaingi (balangu 13-14)</span></div><div class="io1"><span class="content">4. Lo-lomu lamo'o toma limau Yerusalem (15:1-35)</span></div><div class="io1"><span class="content">5. Paulus 'ai &#7695;o-&#7695;agi ma soi &#7695;i&#7695;i (15:36&#8212;18:22)</span></div><div class="io1"><span class="content">6. Paulus 'ai &#7695;o-&#7695;agi ma soi ro'ange (18:23&#8212;21:16)</span></div><div class="io1"><span class="content">7. Paulus osama bui toma limau Yerusalem re limau Kaisarea (21:17&#8212;26:32)</span></div><div class="io1"><span class="content">8. Paulus 'o tagi toma Roma (balangu 27-28)</span></div>
      </div>
   </div>
</div>

Demo ma mulaingi
Surata nena-ne, surata ma soi ḏiḏi ga'a Lukas 'a lefo re enanga ma dowanga toma Habari Roanga ga'a unanga 'o lefo ma siḏa. Toma surata nena-ne ma dara, Lukas 'a sijarita mangale 'oru ga'a Yesus 'ai so-soma'a ya si'a'a wakutu Ma Jou Yesus dadunu ro 'ahu toma ngowa'a senge-sengene manga sigolona, re Ro pere da'u soroga. So-soma'a nga muḏiḏi ananga 'aḏi dadi jarita ma cimi: matengo 'a Petrus (1:12) re matengo ḏi'i 'a Paulus (13:18). Toma surata nena-ne, ngene wa baca mangale Yesus 'ai so-soma'a manga do-doto'o ma mulaingi (2:32-33, 36, 38-39, 4:12, 13:26-33, 16:31)
Yesus 'o pere sie da'u soroga nyangu, Unanga 'o kanau Tai me-mete'e: “Ngini ḏuanga ni sanga kuasa, wakutu Ma Ngagara 'Ofi-'Ofi 'i 'uci ra ngini. Toma 'orasa gena-ge ngini ni dadi Ngoi 'ari sakisi toma limau Yerusalem toma tana'a Yudea, re Samaria, ngadolo toma dungia sitabi donga” (1:8). Bu-bula'a gena-ge 'i dadi ma mulaingi. Ma Ngagara 'Ofi-'Ofi 'i pula'a kuasa ra Yesus 'ai so-soma'a, la ananga 'aḏi singadolo Habari Roanga: ma mulaingi toma limau Yerusalem, toma daeraha Yudea re Samaria, re toma daeraha ngowa'a Yahudi ua, kara ma ḏo-ḏogumu 'i ngadolo toma limau Roma.
Ma mulaingi, Yesus 'ai so-soma'a mo-moini ngowa'a Yahudi re ananga 'aḏi singadolo Habari Roanga pa'i toma ngowa'a Yahudi ḇato (11:19). Mada'a ngowa'a Yahudi manga repe, ananga 'aḏi dawongo ua Habari Roanga, sababu gena-ge ananga 'aḏi singadolo Habari Roanga toma ngowa'a Yahudi ua (13:45-46, 18:6, 28:28) Toma balangu nyagi moi re romotoa, Lukas 'a sijarita mangale lo-lomu lamo'o, ga'a Yesus 'ai so-soma'a ananga ya 'a'a toma limau Yerusalem. Toma lo-lomu gena-ge ananga ya putusu so'o ne: Ngowa'a Yahudi ua ga'a raḏi ngaku Yesus, ananga 'aḏi mete'e riwara 'a Musa 'ai hukumu.
Wakutu Lukas 'o lefo surata nena-ne, unanga 'ai maksudu di'a ngowa'a ga'a baca so'o ne: 'Agama Kristen 'i malawana ua Pamarenta Roma.
Ma dara:
1. Yesus 'ai so-soma'a manga munara toma limau Yerusalem (balangu 1-7)
2. Habari Roanga singadolo toma daeraha Samaria re Yudea (balangu 8-12)
3. Paulus 'ai ḏo-ḏagi ma mulaingi (balangu 13-14)
4. Lo-lomu lamo'o toma limau Yerusalem (15:1-35)
5. Paulus 'ai ḏo-ḏagi ma soi ḏiḏi (15:36—18:22)
6. Paulus 'ai ḏo-ḏagi ma soi ro'ange (18:23—21:16)
7. Paulus osama bui toma limau Yerusalem re limau Kaisarea (21:17—26:32)
8. Paulus 'o tagi toma Roma (balangu 27-28)

Hør på Yesus 'ai so-soma'a Demo ma mulaingi