<div class="version vid119 iso6393nno" data-vid="119" data-iso6393="nno">
 <div class="book bk1TI">
 <div class="chapter ch1" data-usfm="1TI.1">
 <div class="label">1</div><div class="s">Helsing</div><div class="p"> 1 # Kol 1,27; 1 Tim 2,3; 4,10 # 1,1 apostel ein utsending med fullmakt til &#229; tala p&#229; vegner av herren sin. Blir oftast brukt om dei 12 l&#230;resveinane Jesus valde ut, men &#242;g om somme andre. Paulus, Kristi Jesu apostel etter p&#229;bod fr&#229; Gud, v&#229;r frelsar, og Kristus Jesus, v&#229;r von, 2#Apg 16,1ff; 17,14f; 18,5; 19,22; 20,4; Rom 16,21; 1 Kor 4,17; 16,10; 2 Kor 1,1.19; Fil 1,1; 2,19; Kol 1,1; 1 Tess 1,1; 3,2.6; 2 Tess 1,1; 2 Tim 1,2; Filem 1; Hebr 13,23#1,2 Timoteus ein av =Paulus' medarbeidarar. helsar Timoteus, mitt ektef&#248;dde barn i trua: N&#229;de, miskunn og fred fr&#229; Gud, v&#229;r Far, og Kristus Jesus, v&#229;r Herre!</div><div class="s">&#197;tvaring mot vrangl&#230;rarar</div><div class="p"> 3 # 1,3 Makedonia =romerske provinsar. Efesos handelsby og hovudstad i den romerske provinsen Asia. =byar. D&#229; eg drog til Makedonia, bad eg deg vera att i Efesos. Du skulle forby einskilde der &#229; fara med ei anna l&#230;re 4#4,7; 2 Tim 4,4; Tit 1,14; 3,9#1,4 mytar og endelause &#230;ttetavler Orda siktar truleg til filosofiske eller astrologiske tolkingar av skapingsforteljingane, fedresogene og &#230;ttetavlene i 1 Mos. eller vera opptekne av mytar og endelause &#230;ttetavler. For slikt f&#248;rer berre til spekulasjonar og tener ikkje Guds frelseplan, der det dreiar seg om tru. 5#Matt 5,8; Rom 13,10 M&#229;let for dette oppdraget er kj&#230;rleik av eit reint hjarte, av eit godt samvit og av ei oppriktig tru. 6#6,4.20f; 2 Tim 2,14.16.18; Tit 1,10 Nokre har forvilla seg bort fr&#229; dette og har hamna i tomme ord. 7Dei vil vera lovl&#230;rarar, men skj&#248;nar korkje det dei sj&#248;lve seier eller det dei talar s&#229; sj&#248;lvsikkert om.</div><div class="p"> 8 # Rom 7,12.16 Men vi veit at lova er god om vi bruker henne slik ho skal brukast, 9#1,9&#8211;10 lovbrytarar blir f&#248;lgd av ein lastekatalog, ei opplisting av haldningar og handlingar som strider mot kristen tru og liv. =katalogar.#Matt 15,19; Rom 1,29ff; 13,13; 1 Kor 5,10f; 6,9f; 2 Kor 12,20; Gal 5,19ff; Ef 5,3ff; Kol 3,5ff; 2 Tim 3,2ff og forst&#229;r at ho ikkje er gjeven for rettferdige, men for lovbrytarar og ulydige, ugudelege og syndarar, gudsfornektarar og vanheilage, og for dei som sl&#229;r far sin eller mor si, for mordarar, 10#4,6; 6,3; 2 Tim 1,13; 4,3; Tit 1,9.13; 2,1.8 dei som driv hor, menn som ligg med menn, dei som driv med menneskehandel, l&#248;gnarar og dei som sver falsk eid, og kva som elles m&#229;tte strida mot den sunne l&#230;ra. 11#Tit 1,3 Dette er i samsvar med evangeliet om herlegdomen hos Gud, den s&#230;le, det evangeliet som er tiltrudd meg.</div><div class="s">Den st&#248;rste syndaren</div><div class="p"> 12 # Apg 9,15 Eg takkar han som gjorde meg sterk, Kristus Jesus, v&#229;r Herre, fordi han synte meg tillit og sette meg til tenesta, 13#Apg 3,17; Gal 1,13 eg som f&#248;r spotta, forf&#248;lgde og f&#243;r fram med vald. Men eg fekk miskunn, for i mi vantru visste eg ikkje kva eg gjorde. 14Og v&#229;r Herres n&#229;de har vore overstr&#248;ymande rik og gjeve meg tru og kj&#230;rleik i Kristus Jesus. 15#Matt 9,13; Luk 19,10 Det er eit truverdig ord og vel verdt &#229; ta imot, at Kristus Jesus kom til verda for &#229; frelsa syndarar, og av dei er eg den st&#248;rste. 16#1,13 Men n&#229;r eg fekk miskunn, var det for at eg skulle vera den f&#248;rste som Kristus Jesus kunne visa alt sitt tolmod, s&#229; eg vart eit f&#248;rebilete for dei som sidan skulle koma til tru p&#229; han og f&#229; evig liv. 17#Rom 16,27; Gal 1,5; Ef 3,21; 2 Tim 4,18; Jud 25#1,17 Amen hebr. for &#171;det st&#229;r fast&#187;, &#171;det er visst og sant&#187;. =amen. Han som er konge fr&#229; &#230;ve til &#230;ve, den uforgjengelege, usynlege, einaste Gud, han vere pris og &#230;re i all &#230;ve! Amen.</div><div class="s">Oppdraget til Timoteus</div><div class="p"> 18 # 4,14; 6,12+ # 1,18 profetord If&#248;lgje Apg 13,1&#8211;3 kunne kristne bli peika ut til bestemte oppg&#229;ver p&#229; grunnlag av profetord fr&#229; leiarar og forkynnarar. Timoteus, mitt barn, slik er oppdraget eg no overgjev til deg, i samsvar med dei profetord som f&#248;r er tala til deg. Ved dei skal du strida den gode striden, 19#3,9 i tru og med eit godt samvit. Samvitet har nokre kasta fr&#229; seg, og trua deira har forlist. 20#1 Kor 5,5; 2 Tim 2,17; 4,14 Mellom dei er Hymeneos og Aleksander, som eg har overgjeve til Satan, for at dei skal bli viste til rette s&#229; dei ikkje spottar.</div>
 </div>
 </div>
</div>

© 2011 by The Norwegian Bible Society (Det Norske Bibelselskap). All rights reserved worldwide. Used by permission through agreement with UBS (United Bible Societies). © 2011 Det Norske Bibelselskap. Alle rettar globalt. Brukt med løyve gjennom avtale med UBS (United Bible Societies).

Paulus, Kristi Jesu apostel etter påbod frå Gud, vår frelsar, og Kristus Jesus, vår von, helsar Timoteus, mitt ektefødde barn i trua: Nåde, miskunn og fred frå Gud, vår Far, og Kristus Jesus, vår Herre!

Då eg drog til Makedonia, bad eg deg vera att i Efesos. Du skulle forby einskilde der å fara med ei anna lære eller vera opptekne av mytar og endelause ættetavler. For slikt fører berre til spekulasjonar og tener ikkje Guds frelseplan, der det dreiar seg om tru. Målet for dette oppdraget er kjærleik av eit reint hjarte, av eit godt samvit og av ei oppriktig tru. Nokre har forvilla seg bort frå dette og har hamna i tomme ord. Dei vil vera lovlærarar, men skjønar korkje det dei sjølve seier eller det dei talar så sjølvsikkert om.
Men vi veit at lova er god om vi bruker henne slik ho skal brukast, og forstår at ho ikkje er gjeven for rettferdige, men for lovbrytarar og ulydige, ugudelege og syndarar, gudsfornektarar og vanheilage, og for dei som slår far sin eller mor si, for mordarar, dei som driv hor, menn som ligg med menn, dei som driv med menneskehandel, løgnarar og dei som sver falsk eid, og kva som elles måtte strida mot den sunne læra. Dette er i samsvar med evangeliet om herlegdomen hos Gud, den sæle, det evangeliet som er tiltrudd meg.

Eg takkar han som gjorde meg sterk, Kristus Jesus, vår Herre, fordi han synte meg tillit og sette meg til tenesta, eg som før spotta, forfølgde og fór fram med vald. Men eg fekk miskunn, for i mi vantru visste eg ikkje kva eg gjorde. Og vår Herres nåde har vore overstrøymande rik og gjeve meg tru og kjærleik i Kristus Jesus. Det er eit truverdig ord og vel verdt å ta imot, at Kristus Jesus kom til verda for å frelsa syndarar, og av dei er eg den største. Men når eg fekk miskunn, var det for at eg skulle vera den første som Kristus Jesus kunne visa alt sitt tolmod, så eg vart eit førebilete for dei som sidan skulle koma til tru på han og få evig liv. Han som er konge frå æve til æve, den uforgjengelege, usynlege, einaste Gud, han vere pris og ære i all æve! Amen.

Timoteus, mitt barn, slik er oppdraget eg no overgjev til deg, i samsvar med dei profetord som før er tala til deg. Ved dei skal du strida den gode striden, i tru og med eit godt samvit. Samvitet har nokre kasta frå seg, og trua deira har forlist. Mellom dei er Hymeneos og Aleksander, som eg har overgjeve til Satan, for at dei skal bli viste til rette så dei ikkje spottar.

Hør på 1. Timoteus 1