Sawal la giled’a 149
149
Subura hi suma d’engzengîd’a
1Agi gilegi Ma didina!
Agi gilegi Ma didina ki sawal la awilid’a,
agi hlagi sawala á gilegizi
kur toka hi suma d’engzengîd’a.
2Ar Israel mi le furîd’a yam Alo ma mi luma,
ar suma kur Siyon-na
a le hur ma hapma yam amul mazina.
3Ar a gilem simiyêm ki ndjongâ,
ar a hle sawala á gilem ki daliyâd’a kadingâ mi,
4kayam Ma didina tam
nga d’i lum djivid’a yam sum mama,
nga mi sut suma lulumana á suburuziya.
5Ar suma d’engzengâ a suburumu,
ar azi le furîd’a gak yam azang mazina.
6Ar azi gile Alona teteu ki vunaziya,
ar mbigeu d’a fiyak ka siyat mbàd’a ved’a abozi
7á sä atchuguluzi kandjaf suma dingâ,
á ngop andjaf suma dingâ,
8á djin amulei mazina ki kindjingâ,
á ge mazi suma nglona alei ma kaweina asezi
9á kazi sariya
d’a a b’irit nga kur mbaktumbid’a kaziya.
Wana ni subura hi mam suma d’engzengîd’a pet.
Agi gilegi Ma didina!
Nu geselecteerd:
Sawal la giled’a 149: BA
Markering
Kopiëren
Vergelijk
Delen
Wil je jouw markerkingen op al je apparaten opslaan? Meld je aan of log in
Azumeina Bible © Alliance Biblique du Tchad, 1999.