Sawal la giled’a 136
136
Agi suburugi Ma suta hi Israel-lîna
1Agi gilegi Ma didina, kayam mam mi ma djivina.
O mamba nga d’i dap pi.
2Agi gilegi Alona halonina,
kayam o mamba nga d’i dap pi.
3Agi gilegi Salad’a hi suliyod’ina,
kayam o mamba nga d’i dap pi.
4Mam tu ni sama lahle suma nglo suma ndandalîna,
kayam o mamba nga d’i dap pi.
5Mam mi ma lakulod’a ki d’al mamina,
kayam o mamba nga d’i dap pi.
6Mam mi ma tin andagad’a akulo yam mbinina,
kayam o mamba nga d’i dap pi.
7Mam mi ma lahle suma nglo suma b’o yinina,
kayam o mamba nga d’i dap pi.
8Mi lafata á te yam faleid’a,
kayam o mamba nga d’i dap pi.
9Mi le tilâ ki tchitchiud’a á te yam andjeged’a,
kayam o mamba nga d’i dap pi.
10Mam mi ma tchi Ezipte-na grozi
suma a vud’uzi avo’â woina,
kayam o mamba nga d’i dap pi.
11Ni ma buzugï Israel-lâ woi
aduk Ezipte-nina,
kayam o mamba nga d’i dap pi.
12Kabom ma ad’engâ ki bigam mba zid’a
kam akulo zid’a mi sud’uzi woyo,
kayam o mamba nga d’i dap pi.
13Ni ma wal alum ma ngol ma Tchereuna woina,
kayam o mamba nga d’i dap pi.
14Ni ma buzuk Israel-lâ woi adigama,
kayam o mamba nga d’i dap pi.
15Ni ma zirik Faron azi ki azigar mama kä
aduk alum ma ngol ma Tchereunina,
kayam o mamba nga d’i dap pi.
16Ni ma buzuk sum mama woi abagei hur fulîna,
kayam o mamba nga d’i dap pi.
17Ni ma tchi amulei suma nglona woina,
kayam o mamba nga d’i dap pi.
18Ni ma tchi amulei suma subura woina,
kayam o mamba nga d’i dap pi.
19Mi tchi Sihon amul ma Amor-râ woyo,
kayam o mamba nga d’i dap pi.
20Mi tchi Ok amul ma Basan-na woyo,
kayam o mamba nga d’i dap pi.
21Mi handaga mazid’a woi djona,
kayam o mamba nga d’i dap pi.
22Mi hat mazungeî mama Israel-lâ,
kayam o mamba nga d’i dap pi.
23Ni ma djib’er kei ata yima ei kur hohoud’ina,
kayam o mamba nga d’i dap pi.
24Ni ma prud’i woi abo suma a nga djobei vuneina,
kayam o mamba nga d’i dap pi.
25Ni ma nga mi he tena mahlena petna,
kayam o mamba nga d’i dap pi.
26Agi gilegi Alo ma sä akulona,
kayam o mamba nga d’i dap pi.
Nu geselecteerd:
Sawal la giled’a 136: BA
Markering
Kopiëren
Vergelijk
Delen
Wil je jouw markerkingen op al je apparaten opslaan? Meld je aan of log in
Azumeina Bible © Alliance Biblique du Tchad, 1999.
