Salmo 64
64
SALMO 64
Mal hende, komprondé ku Dios ta aktua
Pa maestro di kanto. Salmo di David.
1Skucha mi, o Dios, mi ta keha ku bos duru,
warda mi bida di menasa di enemigu.
2Skonde mi for di e kuèrdè di hende perverso,
di e stèl di hasidó di maldat,
3ku a mula nan lenga manera ta spada,
ta mek nan flechanan — palabranan skèrpi —
4pa tira den skondí riba hende inosente,
pa koh'é di sorpresa sin kore ningun riesgo.
5Nan ta tribi hasi nan kosnan di maldat,
nan ta kònkel kon ta arma trampanan skondí,
anto nan ta bisa: ‘Ken lo haña sa?’
6Nan ta traha nan plannan kriminal i ta bisa:
‘Ata nos a plania un krímen perfekto!’
Sí, hende su paden, su kurason ta insondabel.
7Te ora Dios kohe nan — ún flecha,
i ata nan ta kubrí ku herida.
8Nan ta laga nan mes lenga hinka nan den pèrdishon;
tur ku ta mira esei ta sakudí nan kabes,
9tur hende ta yena ku rèspèt
i ta konta kon Dios a obra aki;
nan ta komprondé ku ta Dios su trabou.
10Esun ku biba drechi lo alegrá den SEÑOR
i lo buska su refugio serka djE.
Laga tur hende di bon intenshon
kanta, hubilá di alegria.
Nu geselecteerd:
Salmo 64: BPK13
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
Papiamentu Bible with DC © Bible Society in Netherlands Antilles and Aruba, 2012, 2013