Salmo 63
63
SALMO 63
T'Abo so mi ta buska, SEÑOR
Salmo di David. Ora e tabata den desierto di Huda.#1 Samuel 23:14
1Dios, Bo ta mi Dios, mi ta buska Bo,
mi alma tin set di Bo;#Salmonan 42:1-2; 143:6
mi kurpa ta muri pa Bo:
un tera seku, sin bida, sin awa.
2Kon m'a fiha riba Bo den tèmpel
pa kontemplá bo poder i bo gloria;
3bo amor tin mas balor ku bida mes,
p'esei mi boka ta kanta bo alabansa.
4Henter mi bida mi ke gradisí Bo,
invoká Bo ku mannan alsá,
5yena mi alma ku kuminda di mas riku
i ku mi boka hubilá i alabá Bo.
6Drumí na kama mi ta kòrda riba Bo,
mi ta pensa riba Bo henter anochi,
7pasobra semper Bo a keda mi yudansa,
mi ta gosa den sombra di bo alanan.#Salmonan 17:8; 91:4
8Ku tur mi alma mi ta pega na Bo,
bo man drechi ta wanta mi duru.
9Ma esnan ku ke mata mi pa kaba,
nan mes lo senk te den fondo di tera;
10nan lo muri komo víktima di spada,
nan lo bira kuminda pa lobo.
11Pero rei lo gosa den Dios;
tur esnan ku a hura pa su nòmber
por yama nan mes fortuná
dia boka falsu ta tapá.
Nu geselecteerd:
Salmo 63: BPK13
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
Papiamentu Bible with DC © Bible Society in Netherlands Antilles and Aruba, 2012, 2013