SASUWANG 7
7
1 Mawu nuhengetang si Musa, “Ia sarung mukoa si kau kere Mawu Ruata su tingo ngu ratu, dang tuhangu i Harun sarung mudidato si sie kere nabiu. 2Habariko si Harun kaul᷊i u ko Daku niparenta si kau. Roiko i Harun pangul᷊i su ratu tadeau i sie mambeng mupakawala ngu taumata ngu Israel manintang u wanua Mesir. 3#Wuk. 7:36 Kateho Ia sarung mupakakitihi u naung u ratu. I sie sarung ta mupandung si kau, maning Ia muparenta ngu silaka maul᷊i su Mesir. 4Ual᷊ingu e'e Ia sarung muhukung u Mesir dingang u manga hukumang ko mabuha, mbuhue Daku wawaneng kaul᷊i u bangsa Israel, umati-Ku sumuwang bou wanua e'e 5Inau taumata ngu Mesir, sarung matitong himoneu Ia i'i ko Mawu, su tempo ngu Ia muhukung si sire dang mumbawa Israel sumuwang bou wanua ngi sire.” 6I Musa dingang i Harun nukoa apang ko niparenta ngu Mawu. 7I Musa umurie wal᷊umpul᷊o su taunge dang i Harun wal᷊umpul᷊otilu su taunge su tempo i sire nupatingo ratu ngu Mesir.
Tiking i Harun
8 Mawu nuhengetang si Musa dingang i Harun, 9“kamangkeng ratu mundo si kumu pukoa tatia ko makal᷊aherang kere tatia, roiko i Harun pangal᷊a tikinge dang pakiteleri su tana su tingo ngu ratu. Tiking e'e sarung muwal᷊u makoa katoang.” 10Kuteu i Musa dingang i Harun natamai nutumatingo su ratu dang i sire nukoa apang ko niparenta ngu Mawu Ruata. I Harun naneleri tikinge su tana su tingo ngu ratu dang manga pagawaie, bou e'e tiking e'e nuwal᷊u nakoa katoang. 11Ual᷊ingu e'e ratu nukui l᷊ai manga taumatange ko pia titonge dang manga papandeu pul᷊iku mata, bou e'e i sire nukoa kere'e l᷊ai dingang u titong i sire ko marundung. 12I sire naneleri tiking i sire su tana dang manga tiking e'e nuwal᷊u nakoa katoang. Kateho tiking i Harun namelohi tiking i sire. 13Maning kere'e l᷊ai ratu tatapi makul᷊i dang ta mupandung didato ngi Musa dingang i Harun kere ko seng niul᷊i u Mawu.
Mesir nikahinomang u silaka
Ake nakoa daha
14Bou e'e Mawu nuhengetang si Musa, “Ratu e'e tumaniu makul᷊i i sie ta mupakawala ngu bangsa Israel matamai. 15Watu'u e'e tamaiko pusuma i sie mal᷊uka-l᷊ukari, su tempo i sie l᷊umintu sarang sal᷊uhi Nil. Wawako tiking ko muwal᷊u makoa katoang dang ampal᷊eko sarang sumongo su wiwihi sal᷊uhi. 16Ul᷊iko su ratu e'e: Mawu, Ruata ngu taumata Ibrani, nundoi u ia pangul᷊i si tuangku tadeau mupakawala ngu umati-E matamai manumba si Sie su tana l᷊inggi. Kateho sarang tempo i'i i tuangku tawe mo mundaringihi. 17#Kl᷊h. 16:4Ual᷊ingu e'e, Mawu nuhengetang kiri'i, ‘Bou apa ko sarung Daku koateng, i kau sarung matitong himoneu Ia ko Mawu. Dingang u tiking i'i Ia sarung mamukul᷊i wawo u ake u sal᷊uhi, dang ake e'e sarung muwal᷊u makoa daha. 18Manga kina sarung mate, dang sal᷊uhi i'i sarung mundaruru mabuhu, hakiu bangsa Mesir ta makainung ake e'e.’ ”
19 Mawu nuhengetang si Musa, “Roiko i Harun pangal᷊a tikinge dang pakitirei su wawo u kaul᷊i u sal᷊uhi, manga l᷊al᷊al᷊engang u ake dang manga l᷊ipusonge su Mesir. Ake e'e sarung mariadi daha, dang su kal᷊abo u soa sarung pia daha, sarang l᷊ai su l᷊al᷊ung u manga pipa bou kau dingang u manga bunsari watu.”
20I Musa dingang i Harun nukoa apang ko niparentang u Mawu. Su tingo ngu ratu l᷊au u manga pagawaie; i Harun nuhengke u tikinge dang namukul᷊i ake u sal᷊uhi Nil, inau ake e'e nuwal᷊u nakoa daha. 21Manga kina su l᷊al᷊ung u sal᷊uhi e'e nate, dang rarurue mabuhu takoae sul᷊unge, hakiu taumata ngu Mesir ta makainung ake e'e. Su kal᷊abo u tana Mesir pia daha. 22Kateho manga mapapande ngu patiku taumata ngu Mesir nukoa kere'e l᷊ai dingang u titong i sire ko marundung, hakiu ratu tatapi nukul᷊i. Musul᷊ung ko seng nihengetang u Mawu, ratu tawe mo mundaringihi si Musa l᷊au si Harun. 23Katewe i sie napul᷊e sarang istana ngu ratu ta nupandung sarang singkodo apang ko seng nariadi e'e. 24Patiku taumata ngu Mesir nukal᷊i l᷊ohange su kanandu wiwihi u sal᷊uhi e'e mundea ake ko inungang, watu'u ake u sal᷊uhi e'e seng ta ikainung.
25Pitu l᷊ou seng napal᷊usi bou Mawu nangutoki sal᷊uhi Nil.
Nu geselecteerd:
SASUWANG 7: PLT
Markering
Kopiëren
Vergelijk
Delen
Wil je jouw markerkingen op al je apparaten opslaan? Meld je aan of log in
