SASUWANG 24
24
Pudadiandi nisegeli
1Bou e'e Mawu nangul᷊i si Musa, “Sakako pupasaruang u Ia, i kau ringang i Harun, i Nadab dang i Abihu, dang pitumpul᷊o pangaha u bangsa dang pusubako panumba si Sia bou marau. 2Kitang i kau sisane botonge sumandighi si Sia. Ko wal᷊inge ta botonge sumandighi, dang patiku umati ko wal᷊inge ta botonge sumaka wul᷊uri i'i.”
3Bou e'e i Musa natamai dang namohang su bangsa e'e kaul᷊i u parenta l᷊au u atorang u Mawu. I sire kaul᷊ie nusumimbahi singkahindo, “I kami mo mukoa kaul᷊i u ko seng niul᷊i u Mawu.” 4Bou e'e i Musa namohe kaul᷊i u parenta ngu Mawu. Ndai mal᷊ou mal᷊uka-l᷊ukari nipararisie mesba simbau dingang u tugu mapul᷊odua su wanggili u wul᷊uri e'e; apang tugu mumbawa areng u simbau suku bou tal᷊oara u suku ngu Israel. 5Bou e'e i Musa nundoi u pirangkatau umbaseng, dang i sire nangonggo korbang tongkateng guna ngu Mawu dingang muhata sapi pira mbau guna ngu korbang purarame. 6Simbahageang bou daha ngu sapi e'e nial᷊a i Musa dang niwosoe su l᷊al᷊ung u manga basi. Simbahageang l᷊ai niwosoe su wawo u mesba. 7Bou e'e nial᷊ae buki pudadiandi ko niwohekang u manga tita ngu Mawu, dang nibasange dingang tingihi mauha su bangsa e'e. Angkung i sire, “I kami mo tumuhu Mawu dang mukoa patiku parenta-E.”
8Bou e'e i Musa, nangal᷊a daha ko su l᷊al᷊ung u manga basi e'e dang nisiwohi su umati. Angkunge, “Daha i'i mupakatoghasi pudadiandi ko niiki u Mawu dingang i kumu tumuhu manga parenta-E.” #Mat. 26:28; Mrk. 14:24; Luk. 22:20; 1Kor. 11:25; Ibr. 9:19-20, 10:29
9Bou e'e i Musa, i Harun, i Nadab, i Abihu dang pitumpul᷊o pangaha e'e nusumaka wul᷊uri, 10dang i sire nakawua Mawu Ruata ngu Israel kararisi su wawo u apa simbau ko kere lante bou watu nilam, dang ko biru kere l᷊angi ko masua. 11Manga pangaha u Israel e'e seng nakawua Mawu Ruata; maningwe kere'e i sire ta nipakawinasa-E. Bou e'e i sire nukumang l᷊au nanginung.
I Musa su Wul᷊uri u Sinai
12Bou e'e Mawu nuhengetang si Musa, “Songoko sarang koa-Ku su wawo u wul᷊uri. Se'e sarung Daku onggol᷊ang si kumu watu darua ko wohe-Ku dingang u tatintiro su bangsa e'e.” 13Bou e'e i Musa l᷊au i Yosua musasumbalange kapusasadiange dang i Musa nusumaka #24:13: I Musa nusumaka; tumuhu simbau mananaleng ko kuno i sire nusumaka. wul᷊uri katanakeng u Mawu e'e 14I Musa seng nutumanata su manga pangaha u Israel, “Pangampal᷊iko su pukakemang i'i sarang i kami musul᷊e. I Harun l᷊au i Hur ene dingang i kumu su si'i. I sai pia parkarae botonge tumatingo si sire tadeau makarea l᷊al᷊enge.”
15I Musa nusimaka Wul᷊uri u Sinai, bou e'e i sie nihimbukunang u winawa singkomol᷊i. 16-17Sinang u kasasongo ngu Mawu nusuminang su wul᷊uri e'e dang taumata ngu Israel nakawua kere putung ko kahenange su wawo u wul᷊uri. Nungu l᷊ou l᷊iwuenge winawa namikung wul᷊uri e'e dang su l᷊ou ko kapitunge Mawu nukui si Musa bou winawa e'e. 18#Sau. 9:9Bou e'e i Musa turusi nusumaka sarang i sie nasu su l᷊al᷊ung u winawa e'e. Paupul᷊o su huwinge i Musa natana su se'e.
Nu geselecteerd:
SASUWANG 24: PLT
Markering
Kopiëren
Vergelijk
Delen
Wil je jouw markerkingen op al je apparaten opslaan? Meld je aan of log in
