Lyfr y Psalmau 51
51
1Arglwydd, Tad y trugareddau,
Moes drugaredd rad i mi;
Trugarhâ wrth f’ enaid euog,
Duw tosturiol iawn wyt Ti:
Arglwydd grasol,
Maddeu ’meiau mawr i gyd.
2Golch fi ’n lân oddi wrth fy mhechod,
Golch fi ’n lân, a llwyr, a dwys;
Pura fi oddi wrth f’ anwiredd,
Tyn fi ’n rhydd o dan ei bwys:
O Sancteiddydd,
Golcha f’ enaid brwnt yn wyn.
3Wele ’r wyf yn llwyr gydnabod
Drwg fy mai o’m bodd yn rhwydd;
Nid wy ’n celu mo ’m camweddau,
Maent yn wastad yn fy ngŵydd.
Euog ydwyf,
Drwg ac euog, Arglwydd Ior.
4Yn dy erbyn Di dy Hunan
Y troseddais, Arglwydd Rhi;
A phe bernit Ti fi ’n euog,
Glân ac uniawn fyddit Ti;
Euog ydwyf,
Drwg ac euog, Arglwydd Ior.
5Wele ’m lluniad cyn fy ngeni
Oedd mewn llygredd pechod du;
Mewn anwiredd a drygioni
Y’m hymddygwyd yn y bru:
Gan fy llygredd,
Aflan wyf o groth fy mam.
YR AIL RAN
6Ceraist wirionedd, Arglwydd Ion,
O fewn y galon fau;
A dysgi im’ yn gudd dan sêl
Wybodaeth bur yn glau.
7Glanhâ fi ’n wyn â gwaed yr Oen,
Ag isop golch fi ’n lân;
Ac yna gwynnach fydd fy lliw
Na ’r claerwyn eira mân.
8O par im’ glywed hyfryd lais
Llawenydd pur heb fraw,
I lonni ’r esgyrn briw sy ’n llesg
Dan gerydd llym dy law.
9Tro ’th wyneb, Ior, oddi wrth fy mai,
Rwy ’n ofni gwg dy wedd;
Dilea ’mhechod brwnt yn llwyr,
A dangos im’ dy hedd.
Y DRYDEDD RAN
10Duw, crea galon lân
O’m mewn, ac anian dduwiol;
Dod yspryd newydd yn fy mron,
Sef yspryd union grasol.
11Na fwrw fi o’th ŵydd,
Rwy ’n erfyn, Arglwydd nefol;
Na ddwg, tra fyddwyf yn y byd,
Oddi arnaf d’ Yspryd dwyfol.
12O dod drachefn i’th was
Orfoledd gras diddanus;
A dal fi i fynu dan fy nghur
A’th Yspryd pur, haelionus.
13Ac yna dysgu wnaf
Dy ffyrdd, fy Naf, i’r anwir;
A hwythau attat, Arglwydd da,
Yn lluoedd a ddychwelir.
14Rhag gwaed O gwared fi,
Fy Nuw, a Rhi fy iechyd;
A’m tafod am d’ unionder glân
Dros fyth a gân yn hyfryd.
Y BEDWAREDD RAN
15O tyred, Arglwydd Ior,
Ac agor fy ngwefusau;
Ac felly ’th foliant nos a dydd
A draetha ’n rhydd fy ngenau.
16Poeth‐offrwm drud ei werth
Nac aberth ni ’s chwennychi,
Neu byddwn fore a phrydnhawn
Yn barod iawn i’w rhoddi.
17Yr aberth hoff gan Dduw,
Yw yspryd briw drylliedig;
Ti ni ’s dirmygi, Arglwydd Ion,
Mo ’r galon gystuddiedig.
18Bydd dda, O Arglwydd Ion,
O’th fodd wrth Sïon burlan;
O’r newydd adeilada fur
Dy Salem bur dy Hunan.
19Fel hyn i’n hebyrth hedd
Y bydd dy wedd yn foddlon;
Fel hyn aberthwn ychen clau
Ar dân d’ allorau ’n gyson.
Nu geselecteerd:
Lyfr y Psalmau 51: SC1850
Markering
Kopiëren
Vergelijk
Delen
Wil je jouw markerkingen op al je apparaten opslaan? Meld je aan of log in
Y Psallwyr gan y Parch. Morris Williams (Nicander). Cyhoeddwyd gan H. Hughes, Llundain 1850. Cafodd y testun ei ddigideiddio gan Gymdeithas y Beibl yn 2021.