Lyfr y Psalmau 16
16
1O cadw, cadw fi, fy Nuw,
Dy gariad yw fy hyder;
2Dywedais wrthyt mai Tydi
Yw ’m Duw a’m Rhi bob amser.
I Ti nid ydyw’n ddim fy nâ,
3I’th Saint fe wna gymmwynas,
Y rhai rhagorol yn y byd;
Mor hyfryd eu cymdeithas!
4Gofidiau ar ofidiau fyrdd
Amgylchant ffyrdd gwyrgeimion
Y rhai a frysiant i fawrhâu
Neb duwiau gau newyddion.
Eu dïod‐offrwm, gwaedlyd li’,
Na’u haberth ni offrymmaf;
Ag enwau cas eu delwau gau
Fy ngenau ni halogaf.
YR AIL RAN
5Fy rhan a’m phïol yw fy Ion,
Mae ’m hyspryd ynddo ’n llawen;
Tydi wyt etifeddiaeth im’,
Tydi gynheli ’m coelbren.
6Syrthiodd y coelbren hwn yn rhan
Mewn hyfryd fan i f’enaid;
Syrthiodd im’ etifeddiaeth fawr,
Un deg ei gwawr, fendigaid.
7Bendithiaf finnau ’r Arglwydd Ior
Am ddysg ei gyngor nefol;
F’ arennau ’r nos fy nysgu wnant
Yn ei hyfforddiant dwyfol.
Y DRYDEDD RAN
8Rhoddais bob amser ger fy mron
Yr Arglwydd cyfion cywir;
Am ei fod ar fy nehau law
Gan ofn na braw ni’m syflir.
9Llawen am hyn yw ’m hyfryd fron,
Rhof fawl yn goron iddo;
A’m cnawd oddi wrth y byd a’i bwys
A orphwys dan obeithio.
10Gwn na’s gadewi, Arglwydd cu,
Yn uffern ddu mo ’m henaid,
Ac na’s goddefi i’th Sanct na’i wedd
Wel’d llwgr y bedd na’i niwaid.
11Dangosi ’r ffordd o’r bedd cyn hir
Im’ fyn’d i dir y bywyd,
Lle mae llawenydd pur heb baid
Yn llenwi ’r enaid hyfryd.
Nu geselecteerd:
Lyfr y Psalmau 16: SC1850
Markering
Kopiëren
Vergelijk
Delen
Wil je jouw markerkingen op al je apparaten opslaan? Meld je aan of log in
Y Psallwyr gan y Parch. Morris Williams (Nicander). Cyhoeddwyd gan H. Hughes, Llundain 1850. Cafodd y testun ei ddigideiddio gan Gymdeithas y Beibl yn 2021.