Genesis 2
2
1Ta, naźman nay langit baw banwa baw muźsang magkaltegan nga mga betang nira. 2Iyan ikapitu nang aldaw, ega nay binwat it Ampuźang Diyus nga mga kugunaen ya ka nakumplitu ya nay muźsa, aypaź nagpapaźna na kanya. 3Ipiyabetang it Ampuźang Diyus i ikapitu ngayting aldaw nga maźal baw mataźas pat beken nga mga aldaw, sabap it pagkaźbut it ikapitung aldaw, nakumplitu ya nay muźsang mga kugunaen ya.
Puźun-puźun it taw baw piyataźidan it kanira nga rugar
4Ta, ituy kamatuudan pasar it langit baw banwa, iyan baźgu sirang giyuna it AMPUźANG DIYUS. Tagna-tagnaź paź, iyan giyuna it AMPUźANG DIYUS i langit baw banwa, 5ega pay magpanubuź nga maski unu nga luwak, sabap ega paź piyaźuran it AMPUźANG DIYUS i banwa baw ega paź gasiź i taw nga manluwa-luwak situt banwa. 6Takaź may subuk gabun nga maggaring duźun it lugtaź, magpatibung, nga yanay magmaregmeg it lugtaź.
7Bawnga garing kat lugtaź binwat it AMPUźANG DIYUS i bilug it taw. Pagkaźman ya, inyepan yay mga lamun it urung ka binggayan ya it ginawa baw kaźgenan. Iyan i puźun it ginawa it taw.
8Bawnga gimnuna i AMPUźANG DIYUS it kalulwakan duźut esang rugar nga magayen baw patag, duźun it pagpangaranat Eden, nga ayun kat lebatan. Bawnga duźun nay tiyabanan yat taw ngayting binwat ya, ka duźun nay piyataźidan ya. 9Garing siź sikayti, piyatubuź it AMPUźANG DIYUS sikayting rugar i muźsang kalasit kayu nga, buwaź nira, magayen nga pagletganan baw magayen gasing pagkaźnen. May ipiyatubuź ya gasiź duźun it tengaź it kalulwakan ngayti nga esang kayu nga pagpangaranan it Kayu nga Magpaźabwatay it Kaźgenan baw sang puźun nga kayu, Kayu nga Ipagkakilala it Magayen baw Maraźe-raźet.
10Baw may esa gasing danum nga magburus duźut Eden ngayti, nga iyan i magpakseg it mga luwak ngayti duźun. Garing duźut Eden, nga duźun i puźun ya, nabagiź nat epat nga kadanuman. 11Pangaran it uźnang bagiź, Pison, nga iyan i magpanliyang-liyang i burus ya kat rugar nga pagpangaranat Havila, nga may bulawan duźun. 12Talagang bulawan duźut iting rugar, piyakamagayen. Ega lamang desang bulawan i duźun. May duźun gasiź nga magkapisiźan it magkabwat nga pirmirang babangluun, baw marga nga batu nga pagpangaranat onice. 13Ngaran gasit ikadwang bagiź it danum ngayti, Gihon, nga magpanliyang-liyang i burus ya kat rugar nga pagpangaranat Etiopia. 14Ngaran gasiź it ikatlu nga bagiź it danum ngayti, Tigris, nga duźun i burus ya it Asiria nga ayun kat lebatan. Ngaran it ikaźpat nga bagiź ya, Eufrates.
15Ta duźun nat kalulwakan ngayti i piyataźidan it AMPUźANG DIYUS it taw ngayti nga lalaki nga binwat ya, ka yanayti i marigra. 16Iyan duźun nay lalaki ngayti, inaat it AMPUźANG DIYUS, nga maat ya, āMapakay mu nga kaźnen i buwaź it mga kayu situ. 17Temed iyan sang puźun nga kayu nga magkapisiźan ngaytut ipagkakilala it magayen baw maraźe-raźet, ega salyaen mut kumaźen. Sabap kat aldaw nga kumaźen ka it iyan ngayan, egay pagduwa-duwa nga kamataynen i panriga it imu.ā
18Pagkapatakenaź yat lalaki ngayti, maat siź it AMPUźANG DIYUS, āEga magayen i esa-esat lalaki ngaytu nga egay iba ya. Magayen muwat aku nagat iba ya, isaźun may katabyang ya baw maźiba-iba ya nga bagay talagat kanya.ā 19Ta, mga giyuna ngaytit AMPUźANG DIYUS nga muźsang mga ramu-ramu baw muźsang mga manu-manuk, tiniźmes ya nga muźsa duźun it lalaki ngayti ka papangaranan it kanya. Aypaź kada ipangaran it lalaki ngayti, yanay naneźteź nga ngaran it ramu-ramu baw manu-manuk. 20Piyangaranan nga muźsa it lalaki ngayti i mga ramu-ramu baw mga manu-manuk, temed egay mapakay nga katabyang baw maźiba-iba ya.
21Aypaź piyaźigaź it AMPUźANG DIYUS i lalaki ngayti it maźlek. Bawnga inabat it Ampuźang Diyus i esang takgang it lalaki ngayti. Pagkaźabat ya, ipiyagźarut ya siź i inabatan ya ngayti. 22Iti, takgang ngayting inabat it AMPUźANG DIYUS duźut lalaki ngayti, binwat ya nga esang babay. Pagkabwat ya, tiyaban ya na duźut lalaki ngayti. 23Pagźabut duźun, siyagyaan talaga it lalaki ngayti, nga maat ya, āTa, in iyan, may iba ku na! Ka tuźlang, isi, subung talagat aken nga pamilug i pamilug ya. Babay i panaźwag it kanya sabap pinsiź kanya kat bilug it lalaki.ā 24Aypaź ka buwat nat mga taw, tananan it lalaki i amaź baw inaź ya ka magsagpun na sira magźasawa. Ta egay beken, subung na sirat sang kabilu-bilugan.
25Purus sira paź maglelbas, babay baw lalaki ngayti, baw ega pay eźyaź nira.
Nu geselecteerd:
Genesis 2: TBWONT
Markering
Deel
Kopiƫren
Wil je jouw markerkingen op al je apparaten opslaan? Meld je aan of log in
Ā© 1992, Wycliffe Bible Translators, Inc. All rights reserved.