زبُور 61
61
مُحافظت کے لِئے درخواست
مِیر مُغنّی کے لِئے تاردار ساز کے ساتھ داؤُد کا مزمُور۔
1اَے خُدا میری فریاد سُن!
میری دُعا پر توجُّہ کر۔
2مَیں اپنی افسُردہ دِلی میں زمِین کی اِنتِہا سے تُجھے
پکارُوں گا۔
تُو مُجھے اُس چٹان پر لے چل جو مُجھ سے اُونچی ہے
3کیونکہ تُو میری پناہ رہا ہے
اور دُشمن سے بچنے کے لِئے اُونچا بُرج۔
4مَیں ہمیشہ تیرے خَیمہ میں رہُوں گا۔
مَیں تیرے پروں کے سایہ میں پناہ لُوں
گا۔ (سِلاہ)
5کیونکہ اَے خُدا تُو نے میری مَنّتیں قبُول کی ہیں۔
تُو نے مُجھے اُن لوگوں کی سی مِیراث بخشی ہے جو
تیرے نام سے ڈرتے ہیں۔
6تُو بادشاہ کی عُمر دراز کرے گا۔
اُس کی عُمر بُہت سی پُشتوں کے برابر ہو گی۔
7وہ خُدا کے حضُور ہمیشہ قائِم رہے گا۔
تو شفقت اور سچّائی کو اُس کی حِفاظت کے لِئے مُہیّا کر۔
8یُوں مَیں ہمیشہ تیری مدح سرائی کرُوں گا
تاکہ روزانہ اپنی مَنّتیں پُوری کرُوں۔
Nu geselecteerd:
زبُور 61: URD
Markering
Kopiëren
Vergelijk
Delen
Wil je jouw markerkingen op al je apparaten opslaan? Meld je aan of log in
Revised Urdu Holy Bible © Pakistan Bible Society, 1970, 2010.