زبُور 120
120
مدد کے لِئے اِلتجا
معلوت یعنی ہَیکل کی زِیارت کا گِیت۔
1مَیں نے مُصِیبت میں خُداوند سے فریاد کی
اور اُس نے مُجھے جواب دِیا۔
2جُھوٹے ہونٹوں اور دغاباز زُبان سے
اے خُداوند! میری جان کو چُھڑا۔
3اَے دغاباز زُبان!
تُجھے کیا دِیا جائے اور تُجھ سے اَور کیا کِیا جائے؟
4زبردست کے تیز تِیر۔
جھاؤ کے انگاروں کے ساتھ۔
5مُجھ پر افسوس کہ مَیں مسک میں بستا
اور قِیدار کے خَیموں میں رہتا ہُوں۔
6صُلح کے دُشمن کے ساتھ رہتے ہُوئے
مُجھے بڑی مُدّت ہو گئی۔
7مَیں تو صُلح دوست ہُوں
پر جب بولتا ہُوں تو وہ جنگ پر آمادہ ہو جاتے ہیں۔
Nu geselecteerd:
زبُور 120: URD
Markering
Kopiëren
Vergelijk
Delen
Wil je jouw markerkingen op al je apparaten opslaan? Meld je aan of log in
Revised Urdu Holy Bible © Pakistan Bible Society, 1970, 2010.