زبُور 111
111
خُداوند کی حمد
1خُداوند کی حمد کرو۔
مَیں راست بازوں کی مجلِس میں اور جماعت میں
اپنے سارے دِل سے خُداوند کا شُکر کرُوں گا۔
2خُداوند کے کام عظِیم ہیں۔
جو اُن میں مسرُور ہیں اُن کی تفتِیش میں
رہتے ہیں۔
3اُس کے کام جلالی اور پُر حشمت ہیں
اور اُس کی صداقت ابد تک قائِم ہے۔
4اُس نے اپنے عجائِب کی یادگار قائِم کی ہے۔
خُداوند رحِیم و کرِیم ہے۔
5وہ اُن کو جو اُس سے ڈرتے ہیں خُوراک دیتا ہے۔
وہ اپنے عہد کو ہمیشہ یاد رکھّے گا۔
6اُس نے قَوموں کی مِیراث اپنے لوگوں کو دے کر
اپنے کاموں کا زور اُن کو دِکھایا۔
7اُس کے ہاتھوں کے کام برحق اور پُر عدل ہیں۔
اُس کے تمام قوانِین راست ہیں۔
8وہ ابدُالآباد قائِم رہیں گے۔
وہ سچّائی اور راستی سے بنائے گئے ہیں۔
9اُس نے اپنے لوگوں کے لِئے فِدیہ دِیا۔
اُس نے اپنا عہد ہمیشہ کے لِئے ٹھہرایا ہے۔
اُس کا نام قُدُّوس اور مُہِیب ہے۔
10خُداوند کا خَوف دانائی کا شرُوع ہے۔
اُس کے مُطابِق عمل کرنے والے دانِش مند
ہیں۔
اُس کی سِتایش ابد تک قائِم ہے۔
Nu geselecteerd:
زبُور 111: URD
Markering
Kopiëren
Vergelijk
Delen
Wil je jouw markerkingen op al je apparaten opslaan? Meld je aan of log in
Revised Urdu Holy Bible © Pakistan Bible Society, 1970, 2010.