Populaire Bijbelverzen uit Aj Éfeso 5

Delen

Atzin jaꞌlin, tzꞌok tilil kyuꞌn, tuꞌn kyoka tzeꞌnku te Dios, quꞌn ayiꞌy jun tkꞌwal, a kꞌuꞌjlinxix tuꞌn. Kukx chi bꞌetjiꞌy toj tqꞌaqꞌbꞌil kykꞌuꞌja kyukꞌa kykyaqil, tzeꞌnku te Crist, nqo ok tkꞌuꞌjlin, ex xi tqꞌoꞌn tibꞌ te jun chojbꞌil qil, ex te jun oyaj tbꞌanilx ele twutz qMan Dios.

Tuꞌnpetziꞌn, kykaꞌyinktzin kyibꞌa tzeꞌn tuꞌn kybꞌetiꞌy, nya tzeꞌnku jun ntiꞌ tnabꞌl, qalaꞌ tukꞌa tkyaqil tumil. Kyqꞌonka tilil, a atxku ambꞌil, tuꞌn kybꞌinchiꞌn wen, quꞌn aye tqꞌijil jaꞌlin, nya wenqe.

Ex mi txi kyqꞌoꞌn kyibꞌa noqx tuꞌn tnoj kykꞌuꞌja tuꞌn qꞌeꞌn, quꞌn nqox tiꞌn te toj jun qchwinqil, a nlay tzyet. Qalaꞌ kyqꞌoꞌnx kyibꞌa tuꞌn tnoj kyanmiꞌn tuꞌn Xewbꞌaj Xjan. Ex chi yoliꞌn kyxoliliy tukꞌa Tyol Dios, ex ilaꞌ bꞌitz te qnimbꞌil. Ex chi bꞌitziꞌn, ex chi nimsiꞌn tbꞌi qAjaw tukꞌa tkyaqil kyanmiꞌn. Ex kukx, kyqꞌonxjiꞌy chjonte te Dios, a Manbꞌaj, tiꞌj tkyaqil, noq toj tbꞌi qAjaw Jesucrist.

Tuꞌnpetziꞌn, mi kubꞌ kybꞌinchinjiꞌy a ntiꞌ tajbꞌin. Tzꞌelxit kynikyꞌa tiꞌj alkye tajbꞌil qAjaw.

Exsin ikyx kyejiꞌy chmilbꞌaj, kykꞌuꞌjlimqektzinjiꞌy kyxuꞌjila, tzeꞌnku te Crist s-ok tkꞌuꞌjlin Ttanim, ex xi tqꞌoꞌn tchwinqil tuꞌn tpaj.

Quꞌn atzin ojtxe, nchi bꞌettaqa toj qxopin; me atzin jaꞌlin, noq tuꞌn kymujbꞌil kyibꞌa tukꞌa qAjaw, nchi bꞌeta tqan qꞌijil. Chi bꞌet-xsintza toj kychwinqila, tzeꞌnqeku nchi bꞌet tqan qꞌijil.

Atzin jaꞌlin, kyniminku kyibꞌa kyxolxa, noq te nimsbꞌil tbꞌi Crist.

Ayetzin xuꞌjlbꞌaj, kyniminqekutzinjiꞌy kychmila, tzeꞌnku te qAjaw.

Tuꞌnpetziꞌn, kxel nqꞌmaꞌn juntl majl kyeꞌy, ayiꞌy chmilbꞌaj, qa teyile junjun kye tuꞌn tok kykꞌuꞌjliꞌn kyxuꞌjila tzeꞌnkuxjo ayiꞌy, ex ikyx te qya, tuꞌn tkubꞌ kynimin kychmil.

Quꞌn ikytzin ntqꞌmaꞌn toj Tuꞌjil Tyol Dios: Tuꞌntzin tpajjo, kyjel ttzaqpiꞌn ichin ttata ex tnana, tuꞌn tok meje tukꞌa t-xuꞌjil, ex kabꞌe kchi okil te junchꞌin xmilil.

Mi kubꞌ kybꞌinchinjiꞌy jniꞌ nya wen, a nkubꞌ kybꞌinchin aye iteꞌ toj qxopin, qalaꞌ kyinqemetza tqan qꞌijil