Populaire Bijbelverzen uit Xhun 12

Delen

As ab'il uva' la niman in as la xekeb' svi', tan katil uve' atkat in, as tzitzi' la atinkat u niman vetze'. As ab'il uve' la niman in, as la toksa vunB'aale' iq'ii.

Ab'il uva' xo'n vitiichajile' ste vatz u tx'ava'e', as la itz'eje'. Ab'il uve' ni tixva vitiichajile' vatz u tx'ava'e', as xo'ne' b'a vitiichajile' ste uve' ye'l iya'teb'al.

Esti'e' jik chit tuk val sete, asoj la kaa u iiae' tetz u trigo tu tx'ava' asoj ye' la kami as ye'le b'a la xalmiti, as la kuxh atine' b'a tzitzi'. Asoj la kami as la xalmiti, nimal ivatze' b'a la taq'e'.

As ine' u txijun tetz u taanxelal unq'a uxhchile' skajayil. Esti'e' kat ulkat in vatz u tx'ava'e', aq'al uva' ab'il la ik'ujb'a' ik'u'l svi' as ye' la atin ve't u taanxelale' tu u q'ej toktoe'.

Pet ech koj unq'a uxhchile' uve' ni ab'in vunyole' as ye' ninima, tan jit ine' ta' la b'anon isuuchil, tan ye'l in kat koj ul in ti' unb'anat isuuchil unq'a tename'. Pet kat ul in ti' iq'alpul unq'a uxhchile' vatz vipaave'.

As teq'o ve't tzan u Ma'le' uma'l lemeeta u tx'umtx'ulla tz'akab'ale' uva' je'nal chit ija'mil. As toksa ixoj ti' toj u Jesús, as itzajsa ve't ixoj ta'n u xi'l ivi'e'. Va'lik chit itx'umtx'ul ve't tuul u kab'ale' ta'n u tx'umtx'ulla tz'akab'ale'.

As teq'o ve't unq'a tename' xaj ch'i'm. As el ve't ch'u'l tu u Jerusalén ti' ik'ulax ve't u Jesús tzi' u tename'. As tul til ve't unq'a tename' tul Aak, as taq' ve't je' tuul ivi'. As ech tal ile': —¡Qoksataj iq'ii Aak, tan achveb'al chit tul Aak tuk' vib'ii u Kub'aal Tiixhe'! ¡As Aake' u Qijlenaale', o' uva' o' tiaal Israel!— ti'k unq'a tename'.

As ech tal ve't u Jesús ile' te chajnaj: —Najli ve't u q'iie' uva' la b'en ve't VIK'AOL U NAJE' k'atz viB'aale' unpajte, as la oksal ve't iq'ii.