Populaire Bijbelverzen uit YOHANE 19

Delen

Kuteloko Yesu a tekile ntsuvi, a ku: “Swi hetisekile.” Kutani a jovota nhloko, a nyiketa moya.

Endzhaku ka sweswo, Yesu, hi ku tiva leswaku timhaka hinkwato ti hetisekile, a ku: “Ndzi ni torha”; swi ri leswaku Tsalwa ri hetiseka.

Yesu loko a vona mana wa yena, ni mudyondzisiwa la n'wi rhandzaka a xaxamele na yena, a ku eka mana wa yena: “Wansati, n'wanaku, hi loyi.” Kutani a ku eka mudyondzisiwa: “Mana wa wena, hi loyi.” Ku sukela nkarhi wolowo, mudyondzisiwa yeloyi, a n'wi rhurhela endyangweni wa yena.

Kuteloko va ta eka Yesu, a va n'wi tshovanga mahlapfana, hikuva a va vona leswaku u file. Kambe un'wana wa tinhenha a n'wi tlhava tsheve hi fumu kutani kan'we ku huma ngati ni mati.

Hikuva timhaka teto ti humelerile leswaku Tsalwa ri hetiseka leri nge: “A ku na rhambu ra yena leri nga ta tshoviwa.” Kambe rin'wana Tsalwa ri te: “Va ta Vona loyi va n'wi tlhaveke.”

Kutani Yesu a huma a rhwele xihambano xa yena, a ya exivandleni lexi va nge i Ripala; hi Xiheveru va te i Gologota.

Kutani tinhenha ti luka harhi ya mitwa, ti n'wi tlhandleka yona enhlokweni; ti n'wi funengeta hi nguvu ya xivunguvungu