Populaire Bijbelverzen uit MATEWUS 7

Delen

Siɗawgiya, slen ma vulis tigiya; gargiya, nigi ma fi'e; dabgiya, vun-ziyn ma malis goy kigiya kaw.

Kay gigekaw ma siɗawa fi'e, sa ma gara fi'e, sa ma daba, vun-ziyn mal goy kalamu kaw.

Kay na'ta gigekaw ma hum yoboyna vanu, li kuɗum kaw, nam ŋray ca ki sa ma in ziyna valamu kulo kay hiɗiyta nala

Kay na'ta slen pet ma nigi min ala sumun ma lum tigiya na, nigi ma lum tisi nala kaw, kay kayni mi va ma vun-ma-gatna hiɗi sa jobta-Lawna dumna.

May vun-gala ma kal hay irita nam hebiya, hagata ta kal haya na' zeh-zeh' kaw, nisi sa fumna ka kiɗaya.

Cukgi kalafi hay vun-gala ma hebayna, kay vun-gala ma kal hay ba-goyta nam ŋol hiriŋ', hagata ta kal hayta beɗay kaw, nisi sa cuk hayamna ka ŋolo.

Kay na'ta la nigi sa joon kaw wi yal kay vul sle ma ŋaana mi gurona vigiya, nala kaw bugi ma hay wuralawna ma vul sle ma ŋaana mi nisi sa siɗawamna suwa sem gaage?

Kaagi kitatɗi, kay kitat ma kaays kigi nigiɗi kaw. Kay kitata ma kaays kigiya hiɗi kitata ta nigi ka'ta, dutta-kusta ta nigi li ŋaɓta hiɗi na'ta kayni ma ŋaɓgi hiɗi na'a kaw.

May gigekaw ma hum yoboyna vanu, may la nam li kuɗumɗi, nam ŋray ca ki sa ma bay-yalla ma in ziyna valamu kay ŋeslna nala

Naŋ wi usna ma ka nigiy kir ɓasuŋŋa, may gu-malla ma ka kiraŋ naŋŋa naŋ wumɗi kay mige? Naŋ fi di tam ɓasuŋŋa ala hinan sli us ma kiraŋŋa goyo, may gu-malla ma ka kiraŋ naŋŋa naŋ wumɗi may nanige?

Ŋomgi tuwgi ŋaa'a kay sa jobta-Lawna sa sinda, nisi sa co tigiya hiɗi sligara vi fok-dimina, may haysi kalafi mi hotna ma gawta. Nigi ma wisi ɗawni kuɗ lopna visiya, sa fi ja vuɗna vi gu gulda-guldana goy hay hum gu-zigiyna pa su? Lebo san fi ja vuɗ gu-gumna goy hay zigiy-olla pa su?

Nala kaw gu ma ŋaana vuɗum mi vuɗ-gu ma ŋaana, gu ma joona vuɗum mi vuɗ-gu ma joona may.

Gu ma ŋaana fi vuɗ vuɗ-gu ma joonɗi, gu ma joona fi vuɗ vuɗ-gu ma ŋaanɗi kaw.

Gun kaf ma vuɗ vuɗ-gu ma ŋaanɗi, nam ma kaam goyo, gum hay kuta kaw.