Populaire Bijbelverzen uit 1 Begyu-dɩrɛ 18

Delen

Oo Yahwe, yera mɩ! Yera mɩ! Fɔ bɛnɩ nyabɛ bàà nyɩnla alɛ, awɔ Yahwe n di Wurubwarɛ gɛ a biri aa fi boo-ituru bàà ba aakʋn.>>

Gɛtɛ ɔya wʋ nɩma gɛtɛ bàà tɛ gedi fɔ, Wurubwarɛ wɔtabʋrʋlɛ Eliya e kpe ɛ gbɛma gedi gɩɩ gɛtɛ̀kʋn fɔ gɛ e tiri onyun ɛ dɔ̀ alan, <<Oo Yahwe, Abraham, ma Isaki, ma Isareli boo Wurubwarɛ, yɛ ǹdò bàà we nyɩnla alɛ, awɔ n di Isareli wo Wurubwarɛ, gɛ nmɩ n di aasaranyan, gɛ na yela gɛ aanyun-gyebi yii koro na mɛ gɛlɛ gaade nyayɩ powu.

Gɛ Eliya ɛ san ɛ ma yela bɛnɩ fɔ bɔɔ bʋnʋn gɛ ɛ dɔ̀ alan, <<Ka ma sere ɔya-mɔmɔ gɛ yaà kere amɩnlɛ anyɔɔ-anyɔɔ yii gewura ɩ ya? Gengyi Yahwe ǹ di Wurubwarɛ fɔ, ɩ tɛrɛma wɔ, mɔ gengyi Baali ǹ di Wurubwarɛ fɔ, ɩ tɛrɛma wɔ.>> Mɔ bɛnɩ fɔ ben tiri ade fɔ yiinyun.

Ɛwʋ gɛ Yahwe ɛ yɛ ɔtan wʋ ye gatala wʋ bɛ nʋ̀n, gɛ wu kuma gedi gɩɩ gɛtɛ̀ fɔ, ma bʋtan fɔ, ma ataa fɔ, ma atɩn fɔ, gɛ wʋ yɛ butu fɔ bʋ nyʋn difwe fɔ daanɩ powu.

Ɔya gɛtɛ bɛnɩ fɔ powu be we ade nyayɩ fɔ, bɛ nʋ̀n bɛ ka bʋnʋn be tin gɛtʋnkwaa, gɛ bɛ dɔ̀ alan, <<Yahwe n di Wurubwarɛ, Yahwe n di Wurubwarɛ!>>

Gɛ disere-kwarankɩfɛ, fɔ wɔsaranyan fɔ ɛ bɛ dɔ̀ wɔ alan, <<Na we dɩkpaba bɛrɛɛ gɛtɛ dì we anlɛ ɛnɩ-nyalɛ gʋlɔ gɛtɛ dɩ tɔ dii ye ɛpʋ fɔ anɩ.>> Gɛ Eliya ɛ dɔ̀ alan, <<San ma dɔ̀ Ahabi alan, <Pɩna aa tiiramisan ɛbɛ, fɔ aa san dɩkpaara. Nka gɛlɛ fɔ ɛsʋn ɛɛ̀ bɛ sʋ wɔ̀ ɛ sa.> >>

Gɛ Yahwe wɔkɛma wʋ waran wʋ ba Eliya wo koro, gɛ Eliya e li wɔ gɛgba gɛtɩɩ, gɛ e serenti ɛ da ɛ yɛ Ahabi ma wotiiramisan fɔ powu gɛlɛɛ ma gyu Yesirele.

Ɛwʋ gɛ Eliya ɛ dɔ̀ Ahabi alan, <<San ma di, fɔ àà nyʋn, yema na nʋn ɛsʋn-dɩrɛ getura.>>

Gɛ ɛ dɔ̀ wɔsaranyan alan, <<San, fɔ àà ma nya ɛpʋ gɩlan!>> Gɛ ɛ san ɛ ma nya, gɛ ɛ bɛ dɔ̀ wɔ alan, <<Min we gɩnyankɩ.>> Disere kwarankɩ gɛtɛ Eliya ɛ dɔ̀ alan, <<San ma nya àà ba!>>

Ɛwʋ gɛ Eliya ɛ dɔ̀ bɛnɩ fɔ powu alan, <<I kpe ɩ gbɛma mɩ!>> Gɛ bɛnɩ fɔ be kpe bɛ gbɛma wɔ, gɛ ɛ pɩna Yahwe gedi gɩɩ gɛtɛ̀kʋn, gɛtɛ gɩ yasɩ fɔ.

Fɔ yàà kpèlè yiikpen diyere, fɔ nmɩ mɔ nan kpèlè Miinfonte Yahwe diyere, gɛ ɛwɔ gɛtɛ eè yera ɛ̀ɛ̀ yɛ ɔtan wàà ye gatala be kuma bʋtan fɔ, ɛwɔ n di Wurubwarɛ.>> Ɛwʋ gɛ bɛnɩ fɔ powu bɛ dɔ̀ alan, <<Ade gɛtɛ a dɔ̀ fɔ ɩ̀ kɔlɔ.>>

Eliya ɛ ka ataa fwo anyɔɔ gɛtɛ dɩtaa-kamasɛ dì yela tɛ Yakobu wo-ifoli fɔ yaanɩ wʋkɩ. Yakobu nyawɔ gɛ Yahwe e foma wo diyere alan, <<Isareli>> fɔ.

Gɛtɛ wʋ nɩma ofila-kenken fɔ, Eliya ɛ sa bɛ dɩkpata alan, <<Ɩ gbɛrɛ afala-kin-kin, yema è di gɛ ekpen, nkɩfɔ wamɩnlɛ ɩ da ɔfɔ, abɛɛ walɔ i de kààrà, abɛɛ ɛ da osele, abɛɛ ɛ fwa bʋda gɛ wʋ̀ di gɛtɛ bàà lama wɔ.>>

Gɛ Eliya ɛ ka ataa fɔ e sere gedi gɩɩ gɛtɛ̀kʋn Yahwe diyere daanɩ. Gɛ e kunla difwe gɛtɛ daalun daà talɩ di ton butu galɔn besiyee e silin gedi gɩɩ gɛtɛ̀kʋn fɔ.