Populaire Bijbelverzen uit Romanos 8

Delen

Ỹátaqta saỹátenaq ñi' Dios ỹaqátaxata't ỹima jen'me lasoxocpi da' sétaaque ỹachiỹoxotaỹi da' ỹiỹamaxachíchiiñi da' ladíquiaxac jen'me ỹauotec jiñi'me 'me mai'chi liỹáxañiisecpi jocalia'cho' da' sétaaque nec'alaxatéegue.

Chan'eesa ỹátaqta 'eesa qasen da' qaỹa ga' ỹañoxot da' nauan'aguet da' lauo'chi ñi'me Dios da' qo'mi. Temaqaidi da' 'uootaxa neleuaxa, 'uootaxa da' n'óiỹaxac, 'uootaxa jen'me namaxa'spi piỹem lé'ecpi qataxa jen'me damaxasóxonaacpi qataxa jen'me n'añaxacpi 'me sa di'ỹoq, 'uootaxa jen'me souqátaaue naỹi qataxa jega'me maliaxa nátauo, 'uootaxa jen'me huet'ot na' piỹem qataxa jen'me huéta'ña na' p'áñi, qataxa ỹima na' laỹi l'onatacpi ñi'me Dios, qaỹa ga' ỹañoxot da' nauan'aguet da' lauo'chi da' qo'mi ñi'me Dios 'me ỹachiỹoxotaỹi so' qadesaliaxanec Cristo Jesús.

Qana'chi 'ená'am nataq'en so' Espíritu Santo qo'mi lecochiỹalo, ỹasouaxat da' qaỹa ga' qad'añaxac. Qá'a qo'mi sa saỹátenaq ga' lasoxoc jega'me qonetaméetaaque. Qaláxasa na'chiso so' Espíritu netamenot ñi'me Dios da' qo'mi netameelóo'te, qaláxasa naua' nachoxodénaxaco jeso'me ỹátaqta sa qoỹivi't da' qoỹ'axateelo ga' nédaỹi.

Chan'eesa ¿jái'chogamaxa 'éeta ga' qad'aqtac dójo'? Da' 'uootaxa qo'mi huet'aita ñi' Dios, ¿jái'chogamaxa ỹañoxot da' qo'mi nep'aguee'to? ¡Qaỹa!

Chan'eesa naỹi sa qoỹa'uo ga' ne'uaxánaguec ga' sóxote ỹoqotéta'uo so' Cristo Jesús, jega'me sóxote sa 'equegue jega'me sa nó'in 'éetapeec da' lapáchiỹaxac, na'chigáta jega'me 'éetapeec jeso'me Espíritu Santo.

Qá'a da' qoueenatétapega jega'me 'éetapeec da' napáchiỹaxac, qana'chi jeda'me náỹi da' neleuaxa. Qaláxasa da' qoueenatétapega jega'me 'éetapeec so' Espíritu Santo, qana'chi jeda'me náỹi da' n'óiỹaxac qataxa da' n'emáxac.

Qaláxasa ỹima jen'me senoxonaqtenaxáiỹi. Na'chidáta da' ỹátaqta qo'mi 'uañaxaiqolqa, da' qad'añaxac chiỹoqot'ot jeso'me qo'mi lauotaqa'te.

Qá'a 'eesa da' huo'oi naua' qan'queténaxaco dójo' qad'óiỹaxac 'me souqátaaue naỹi, qaláxasa sa 'ená'am qasen jega'me maliaxa na'taquéna ni'ỹoxodic 'me ñiuánaqa'uo qomle.

Chan'eesa ¿jái'chogamaxa ỹañoxot da' nauan'aguet da' lauo'chi so' Cristo da' qo'mi? ¿Séetapega na'chida da' qan'queténaxac, 'uootaxa da' 'uo da' qadaqalaic, 'uootaxa da' qancanáguec, qadoqouáxa, 'uootaxa qaỹa 'te ñapotónaxai'ña, 'uootaxa ga' lichic, 'uootaxa da' neleuaxa? ¡'Ai', qaỹa!

Qataxa ñi' Dios 'me ỹic'ateet'ape naua' niquidiaqtel, jiñi'me ỹaỹáten jega'me 'éetapega so' lepaqal. Qá'a so' lepaqal netaméetaaque jega'me ỹiỹamaxadéeta ñi' Dios da' netameelégue jen'me lalémaxasetpi jiñi'me.

Ỹima jen'me lasoxola' so'me lepaqal ñi'me Dios, qana'chi jen'me ỹima lec'óqo'te ñi'me Dios.

Qá'a jega'me hueenatétapega jega'me 'éetapeec da' lapáchiỹaxac, jega'me quétapegue' da' leenataxac da' mai'chi lapáchiỹaxac. Qaláxasa jega'me hueenatétapega jega'me 'éetapeec so' Espíritu Santo, qana'chi jega'me ỹí'et jega'me 'éetapeec jeso'me.

Qá'a ñi'me Dios 'me ỹátaqta sa ỹauotá'ac so' lalémaxaset lec'óxot, na'chidáta da' ỹanguet da' nalaataguec ỹasouaxat da' qo'mi. Qana'chi ¿táalia'chi toqo' da' sa náicapegue' qa'en so' lec'óxot da' qo'mi ỹanema ỹimaquéna, da' qaidi qadalémaxaset?

Qataxa jeso'me nepaqal na'chi huaxaiỹet so' qolqapégue' qadepaqal da' ỹ'axat da' qo'mi ma'le qo'mi lec'óqo'te ñi'me Dios. Naỹi da' ma'le qo'mi lec'óqo'te ñi'me Dios, qana'chi nataq'en sañoxotaq da' saconaxaguet jega'me qo'mi ỹaloxónapegalo jiñi'me. Qaláxasa ỹátaqta ñiuánaqat'ai so' Cristo, lamá'asa naỹi da' ỹátaqta qan'queténaxaua jeso'me, da' qaidi ñiuánaqa'uo qomle jega'me li'ỹoxodic jeso'me.

Qá'a jega'me hueenatétapega jega'me mai'chi 'éetapeec da' lapáchiỹaxac, qana'chi jega'me ỹátaqta delóictapegue' ñi'me Dios, qá'a sa nañan da' huet'ot jen' laqátaxacpi jiñi'me, qataxa ỹátaqta sa nañoxotela't.

Qá'a ỹátaqta jalcote da' lidiáxa ỹima jen'me l'onatacpi ñi'me Dios da' ỹiuatét'a ga'me nolo' qomle ỹivíta da' jen' lec'oqtepi ñi'me Dios qoỹaloxon da' 'éeta ga' lasoxoc.

Qá'a saỹátenaq da' ỹima jen' l'onatacpi ñi'me Dios maliaxa quetalégue naỹi da' sega'me dachótet'am da' naỹaliaxa, 'ená'am jaga' ỹauo da' dec'oỹaac.