Populaire Bijbelverzen uit Mateo 7

Delen

'Aviỹáxañii, tetoqo' ñi' Dios 'ami ỹanema ga'me 'aviỹáxañiỹaaque; 'aumítaxañii, tetoqo' 'auanachíiỹa jega'me 'anmichíitaaque; qataxa 'autóuoqoi'uo ga' som, tetoqo' 'ami qoỹ'ouátee'ta.

Qá'a jega'me diỹáxan, qaa'le ỹaconguet ga' ỹiỹáxanaaque; qataxa jega'me dimitaxan, qaa'le nata ga' nimitáaque; qataxa ga' ỹitóuoxouo ga' som, qaa'le qoỹ'ouateguet.

Chan'eesa jega'me ỹátaqta jaỹim naquiáxatapega qataxa ỹí'et jeda'me séetapeec, qana'chi jega'me 'ená'am ga' siỹaxaua 'me ỹátaqta ỹátenaxanaxaic 'me ỹ'oxoolégue qa'en ga' qa' da' n'oxoséguem ga' l'emec.

Chan'eesa 'ami jega'me 'ónaxaic 'me sétaaque da' 'ami ỹ'eteque na' siỹaxadipi, na'chiga qomle 'av'íchiic ỹima jen'me. Qá'a na'chida jeda'me damaxasoxolégue jen'me laqátaxacpi so' Moisés qataxa naua' lidii's so' l'aqtáxanaxanecpi ñi' qan'étoqo't.

Qaláxasa jiñi'me som qataxa so' naq'aic 'me taỹá'a da' nec'alaxa, qaa'le ỹátaqta sa lecaỹi qataxa 'uo da' laqalaic. Ỹátaqta sa léca jen'me ỹauana.

'Aunoxoñiỹo'uet qomle ñi' som 'me sa lecaỹi. Qá'a ñi' som qataxa so' naq'aic 'me ỹilót'a ga' neleuaqa', jeso'me ỹátaqta leca'ague, qataxa qaỹa ga' laqalaic. Ỹátaqta sa lec'óxotolec jen'me quet'ague jeso'me.

Da' 'ami matemané'e 'ami qalhuaxaiqa, qalqaiga 'auaỹáchiñii da' 'auañimii ga' 'ónaxaic jega'me 'ac'óxochii. ¡Taalia'chi toqo' da' sa ỹágueegue jiñi'me 'adet'ai 'me net'ague da' piỹem da' ỹañoxot da' ỹanem ga' 'ónaxaic jega'me ỹiỹaxanot jiñi'me!

Sa 'te qomle da' 'auauóỹi ga' lasouaxaset ga' 'adaqaỹai, qaidi ñi' Dios sa 'te da' ỹa'uo ga' 'adasouaxasíchii. Qá'a jiñi'me da' 'ami nimi't, qaa'le ỹipagaqchíichiỹi da' 'aviñíit'ec ga' 'adaqaỹai, qataxa ỹipagaqchíichiỹi ga' 'ami 'aualoqtenaxañíỹa da' 'analoqchiñii ga' lasoxoc ga' 'adaqaỹai.

Jega'me jaỹim naquiáxatapega, qaa'le sa 'te da' ỹí'et dójo' séetapeec, qaláxasa jega'me 'ená'am ga' siỹaxaua 'me qaỹa 'te ỹaỹátenaac, da' ỹ'oxoolégue qa'en ga' pogaxanaxa da' n'oxoséguem ga' l'emec.

Qataxa ¿tóoqo'chi 'auañoxot da' 'auc'atéetac ga' 'auaqapi lesochi 'me huétaỹi jana' l'aite ga' 'adaqáỹa, qaa'le sa 'te 'aulo'o' jega'me 'epaq let'ádaic 'me huétaỹi jana' mai'chi 'ad'aite? Qá'a da' 'uootaxa huétaỹi jana' 'ad'aite ga' 'epaq let'ádaic, qalqaiga ¿tóoqo'chi da' 'auenapéga ga' 'adaqáỹa da' 'onétojo': “Ỹa jaỹim 'auaséet'em qomle da' ñaqat di' 'auaqapi lesochi 'me huétaỹi jana' 'ad'aite?”

'Avichiỹa'aguet qomle jena'me qovínaxanaxaicpi 'me 'enapeela't da' l'aqtáxanaxanecpi ñi' Dios. Jena'me 'ami nec'átalo, qana'chi ỹátaqta ỹadénaxat da' lasoxoc jana' n'aanaxate, qaláxasa na' p'áuo 'ená'am da' lasoxoc na' síiỹac 'me di'quiỹaac. Qaláxasa 'ami 'auaatetoñii jen'me, ỹasouaxat jen' ỹí'etpi. Qá'a da' qonaqat jan' jala jana' uvas, qaláxasa sa 'te da' qoỹachiỹoxotaỹi jaga' 'epaq 'uo jana' le. Qataxa da' qonaqat jana' higo jala, qaa'le sa 'te da' qoỹachiỹoxotaỹi jaga' couquic ỹaataxadai.

Qana'chi ỹima jan'me 'epaq 'me nó'in, jan'me ỹátaqta nó'in da' jaláỹaxac. Qataxa jan'me 'epaq 'me sa nó'in, jan'me sa nó'in da' jaláỹaxac.

Qá'a jaga' nó'in 'epaq da' nesetréegue gaua' jala, qaa'le sa 'te da' sa nó'in. Qataxa jaga' sa nó'in 'epaq da' nesetéegue jaga' jala, qaa'le sa ỹañoxot da' nó'in.

Qataxa ỹima jan'me 'epaq 'me sa nó'in da' jaláỹaxac, jan'me qomle qoỹiquesoxo'ñot, qana'chi qoỹasaxánỹi ga' dóle'.