Populaire Bijbelverzen uit Хосталыышкын 2

Delen

Бурган оларның уё-човуурун дыңнап кааш, Авраам, Исаак болгаш Иаков-биле чарган чагыг-керээзин бодап келген. Бурган израиль чоннуң хилинчээн көргеш, оларже сагыш салып турган.

Хөй-ле үе эрткен; Египеттиң хааны өлген, а израиль чон аар-берге ажылдан човууртап турган. Оларның дуза дилээн кыйгызы Бурганның кулаанга чеде берген.

Чаш төл өзүп кээрге, иези ону фараоннуң уруунга эккелген. Даңгына ону төрээн оглу дег хүлээп алгаш: «Мен ону сугдан ушта тыртып алган болгай мен» – дээш, Моисей деп ат тывыскан.

Даңгына ие херээженге: «Бо чаш төлдү ап алгаш, меңээ эмзирип өстүрүп бер, сеңээ төлеп бээр мен» – деп чугаалаан. Авазы чаш төлүн ап алгаш, эмзирип өстүрүп эгелээн.

Ол өйде фараоннуң уруу хемче чунуп чедип келген, ооң чалча кыстары эрикке кылаштажып турганнар. Фараоннуң уруу кулузун аразында аргаан хааржакты көрүп кааш, ону чалча кыска эккелдирип алган.

Моисей өзүп-доругуп, улуг эр апарган үезинде, бодунуң чону – еврейлерже барып, оларның аар-берге ажылдар кылып турарын көрүп каан. Ол көөрге, ха-дуңмаларының бирээзи болур еврей кижини египет кижи эттеп турар болган. Моисей ыңай-бээр көрдүнгеш, кым-даа олче кичээнгей салбайн турар боорга, египет кижини өлүргеш, элезинге хөөп каан.