Populaire Bijbelverzen uit Байбихьи 6

Delen

Ракьалда инсан вижиялдаса ракӀ бухӀана БЕТӀЕРГЬАНАСУЛ ва, кутакалда рекӀекълъун

Цинги БЕТӀЕРГЬАНАСДА бихьана ракьалда гӀадамазул квешлъи хӀаталдаса ун гӀемерлъун букӀин, гьезул кинабго пикру-къасдги чӀечӀого квешлъиялъе хӀалтӀулеб букӀин.

ГӀицӀго НухӀидаса разиго вукӀана БЕТӀЕРГЬАН.

Гьале НухӀил ва гьесул наслуялъул хӀакъалъулъ къиса. Доб заманалъул гӀадамазда гьоркьов гӀицӀго НухӀ вукӀана Аллагьасе мутӀигӀав, ракӀбацӀцӀадав ва витӀарав чи.

БЕТӀЕРГЬАНАС абуна: «Дицаго рижарал киналго гӀадамалги, гьездаго цадахъ хӀайваналги, жанаваралги, хӀанчӀиги ракьалдаса лъугӀизарила Дица. Дир ракӀ бухӀана гьел рижиялдаса».

Дунялалда гӀадамал гӀемерлъизе лъугьана ва гьезие ясалги гьарулел рукӀана. ГӀадамил ясазул берцинлъи бихьун, Аллагьасул васаз гьел рачунел рукӀана, рекӀее йокьа-йокьарайги тӀаса йищун. Цинги БЕТӀЕРГЬАНАС абуна: «Инсанасулъ дир хӀухьел-рухӀ абадиялъго букӀине гьечӀо. Гьев – гӀицӀаб гьанал черх, гьединлъидал гьесул гӀумруги нусиялда къого соналдаса тӀаде ине гьечӀо». Гьеб заманалдаги гьелдаса хадубги ракьалда тӀад рукӀана нефилималин абулел, борхатаб лага-черхалъул, залимал гӀадамал: Аллагьасул васал хьвадулел рукӀиндалха гӀадамазул ясазухъе ва гьездасан лъималги гьарулел рукӀиндал. Цебе заманалдаго цӀар рагӀарал гучал бахӀарзал рукӀана гьел.

Гьедин Аллагьас амру гьабунщинаб тӀубазабуна НухӀица.

Цинги Аллагьас НухӀида абуна: «Ракьалда бижанщинаб тӀагӀинабизе хӀукму гьабуна Дица, щайгурелъул гьезул квешлъиялъги зулмуялъги цӀезабун буго дунял. Дица гьелги гьездаго цадахъ ракьги тӀагӀинаризе руго.

Амма дуца дуего гьабе гофер абураб цӀулал гама ва жанисанги къватӀисанги гьелда хъил бахе.

Аллагьасда бихьана дунял пасалъун букӀин ва дунялалда бижарабщинабги къосун ккун букӀин.

Дуца цадахъ баче киналго рухӀчӀаголъабазул щибаб тайпаялъул цо бихьинабги цо цӀуябги, дуда цадахъ гьелги чӀаго хутӀизе.