Populaire Bijbelverzen uit ROM 8

Delen

Kiyam sǝrgasǝrǝg taakiya baɗǝm ma dǝgitaha, ɓa ba tlǝra hɛrǝr Daadamazhigǝl kǝ lii waigaana, kwa ɗahatǝrǝt nǝ iin tǝdvad naagana.

Aɗaba fandǝghǝrǝtfǝg nai taakiya ma ǝmtsǝga, ma shifǝga, ma zarha ɓǝlga Daadamazhigǝla, ma shatanaha, ma hǝnkala ndakwana, ma kwa da tǝvuukwa, ma ndzǝɗah shahshaha, ma tlaɗa, ma kyalangwa, aanji dǝgiti shah ma dǝgitahi vǝrɗyavan baɗǝmma, tlalar bi kǝ tagwa kǝmiyam dǝ waiyavǝn waikiyam Daadamazhigǝl tǝdvad Kǝristi Yesu Yaazhigǝla miyam biya.

Mǝlkiyamu bandkwah dlaɓ nǝ Shǝɗkwa Daadamazhigǝl tǝdvad hǝtsǝgalhǝtsǝga miyama. Kiyam sǝrga bi kǝ ɗuuli kiyam da dzug nǝ miyam kǝ zhigǝl biya, amma Shǝɗkwa Daadamzhigǝl bad ghǝraan wa ghala Daadamzhigǝl dlakulva miyam ǝmtaɗ dǝ ngiig kwa shǝvǝt bi ghai kǝ tagaan biya.

Auci, wa kiyam da tag nǝ miyam tǝghǝr kwanahaan kǝ dǝgiti? Akwama ba ǝmtaɗ Daadamazhigǝl dǝ kǝmiyama, war wa tlǝgaltlǝg kǝ ɓa tlǝghum dǝ kǝmiyammi?

Mbakyarvad kwaha, madlabi ghazǝg ndakwan tǝghǝr kǝ lii dǝga Kǝristi Yesu biya.

Fa hǝnkal tǝ dǝgiti naag nǝ vǝgha saa dǝ ǝmtsǝga, dadda kwa fa hǝnkalaan tǝ dǝgiti naag nǝ Shǝɗkwa Daadamazhigǝla, saa dǝ shifǝga ard gabǝrra.

Kwanahaan kǝ dǝgitahaan dzǝghaardzǝgǝn baɗǝmma, jiyamujig kǝ yaa dadda za fiira, tǝdvad dadda kwa waiya kǝmiyama.

Fandghǝrǝtfǝg taakiya, da gǝrvnabi nǝ dlaɗahi kiyam hǝɓǝg nǝ miyam ma kwan kǝ zaman biya, ard ndangǝri da markiyam nǝ uud tǝvuukwa.

War wa tagkwiyamatagw dǝ waiyava Kǝristi? Hǝɓa dlaɗ nii, dlaɗ nii, tlatlǝɓa pin nii, wai nii, talagǝr nii, fǝɗa duuni nii? Katsakar hii?.

Daadamazhigǝli sǝrgasǝrǝg kǝ dǝgiti ma ǝrviɗmahuɗa uuda, sǝrgasǝrǝg kǝ dǝgiti tlatlǝg nǝ Shǝɗkwa Daadamzhigǝla, aɗaba Shǝɗkwa Daadamzhigǝl wa ghalǝg dlakulva uudaha Daadamazhigǝl tǝdvad naagana.

Baɗǝm lii ndzǝga tǝdvad Shǝɗkwa Daadamazhigǝla, ar zarha Daadamazhigǝla.

Lii ndzǝgan tǝdvad uuda dǝgshigǝra, ghǝraatǝr ba tǝ dǝgiti naag nǝ vǝgha, amma lii ndzǝgaan tǝdvad Shǝɗkwa Daadamazhigǝla ghǝraatǝr ba tǝ dǝgiti naag Shǝɗkwa Daadamazhigǝla.

Piyakiyamdadda bi Daadamazhigǝl kǝ Zǝraan biya, vǝladavǝlǝg mbakyarvad kǝmiyam baɗǝmma. Daadamazhigǝlǝn vǝlakiyam Zǝraanǝna, mbats da vǝlkiyam bi kǝ dǝgitah baɗǝm biya?

Shǝɗkwa Daadamazhigǝl dǝ ghǝraan ard Shǝɗkwamiyam tagakiyamdatag taakiya kiyam zarha Daadamazhigǝla. Niyamalnǝg tsaw kǝ zarhaana, niyamalnǝg kǝ yaa dadda gwiga, lii da gwiya barka Daadamazhigǝla dlaɓa tsaghwa gwig ǝmtaɗ dǝ Kǝristi. Akwama hǝɓǝyamuhǝɓǝg kǝ dlaɗ ǝmtaɗ dǝ Kǝristi, da fǝkiyamaarafǝg nǝ uud ǝmtaɗ dǝ iina.

Ɓaɗǝm daddakwa fa hǝnkalaan tǝ tlǝra vǝgh ɓa tlǝghum dǝ Daadamazhigǝla, aɗaba fadǝmbi kǝ ghǝraan ma gata adzahadzaha Daadamazhigǝl biya, dlaɓa ɓagna biya.

Baɗǝm dǝgitahi vǝrɗyavan ar kǝmǝg ba vaivaiya, ar pakka nǝgha faciyin kwa da marǝg Daadamazhigǝl kǝ zarhaana.

Kiyam sǝrgasǝrǝg taakiya, gwastaana, baɗǝm dǝgitahi vǝrɗyavana ar ngiig band uus ǝmhuɗ kwa kalkǝn kungula yigga.