Populaire Bijbelverzen uit Matthaisioi Phrinzangpo 5

Delen

Hana bre-e yoqa jaqpa odpo sparba-ang med dobasang rshkongstyaqika jaqed yang khangmeang yodkhanun saqa od chhed. Dyana zosteka miunla khyenti noro lasriksun thongma yang rshnamiang yodkhan khyenti Atawa stodkha ba khyenti odpo ang khonguni dunla sangsang base jaqchukshik!

Miyuli odpo khyentang in, ri-ika yodkhan rgyalsek zba nyanma med.

Snying rtsangdaq yodkhanun rgamochan chiazerbana khonga Ashipa thongcha chhok.

Khadrang skomsen yang khadrang ltoqsen yodkhanun rgamochan chiazerbana khong drangsha chhok.

Amma ngas khyen tanga zered : khyenti mirgakhanunla rgaluks jaqshik/yang khyentika rshmunmo tabkhanuni stodkha bashik, yang khyentang rtsoqpo sheskhanunis thadchukshik, yang khyentika ukhan tangkhanun/yang naḵẖs stankhanuni phya Ashipa-a laqpa zune juik bashik.

Sems nyalbachanun rgamochan, chiazerbana rshnamuni rgyastridpo khongi in.

Zomshukkhanun rgamochan chiazerbana khonga Ashipi rshrasun taḵẖsha chhok.

Zduks domba hlebkhanun rgamochan chiazerbana khonga snyingrshtur thobcha in.

Khadrangi luksi phya naḵẖs thongkhanun rgamochan chiazerbana rshnamuni rgyastridpo khongi in.

Zdikpa thsorkhanun rgamochan, chiazerbana khongika zdikpa thsorcha chhok.

Ngi phya khongunis khyentanga rshmunmo tabna yang naḵẖs stanmana yang ga zostika rtsoqpo tamun khyenti luksiang rdzon tangse zerna khyentang rgamochan yod. Khyentang thade stodkha base dukshik chiazerbana rshnamuniang khyenti zde chhopo yod, yang khong unis khyentang basang snanla yodlhan khyenkhanunla dya zosteka naḵẖs stanspin.

Noro yodkhanun rgamochan chiazerbana khong sayuli thobthsir thobkhan chhok.

Se thsad khyentang in; amma taqdir thse brodmed chhanarek chi-i-ka brodchan chhok ? Yang phyista-a phangse miunis rdoqnyes tangchao mene yang mana changa miphan.

De phya rshnamuniang yodkhan khyehti Atao gangrgya yodpao na tsoḵẖspo khyentangang gangrgya base dukcha in.

Dobasang khyenti zerchi tamuniang inmawa in, menmawa men zerba rgosed dyu basang mangmo yodkhanpo Nganpi rollana in.

Migi skinla mik, soe skinla so zere molcha songmao khyentanga thsor. Amma ngas khyontanga zered; Nganpa na mathoms, dobasang khyeri trangi manggalpeang tangkhanpoa manggali eljongspoang ldzoq.

Amma taqdir khyeri mikpo, trangi (mikpo) khyerang rdoasna phoqchuksna do phud, yang khyeri shitiana phangse tong, chiazerbana khyeri rgo gang gangma rostraqsi meang phangcha chhao basang khyeri shalu-uniangna chikchikna bralchao khyeranga phankye in. Yang taqdir khyeri trangi laqpaos khyeranga rdoasna phoqchuksna, de laqpao rshtub yang rangi shitiana phangse tong, chiazerbana rgo ganggangma rostraqsi meang phangcha chhao basang khyeri shalu-uniangna chikchik bralchao khyeranga phankyein.