Populaire Bijbelverzen uit ໂຣມ 4

Delen

ແຕ່​ເພິ່ນ​ກໍ​ບໍ່​ໄດ້​ສົງໄສ​ໃນ​ຄຳ​ສັນຍາ​ຂອງ​ພຣະເຈົ້າ ແຕ່​ເຂັ້ມແຂງ​ຂຶ້ນ​ໃນ​ຄວາມເຊື່ອ ແລະ ໄດ້​ຖວາຍ​ກຽດຕິຍົດ​ແກ່​ພຣະເຈົ້າ, ເພາະ​ເຊື່ອໝັ້ນ​ເຕັມ​ທີ່​ວ່າ​ພຣະເຈົ້າ​ມີ​ລິດອຳນາດ​ທີ່​ຈະ​ເຮັດ​ສິ່ງ​ທີ່​ພຣະອົງ​ໄດ້​ສັນຍາ​ໄວ້.

ຕາມ​ທີ່​ມີ​ຄຳ​ຂຽນ​ໄວ້​ໃນ​ພຣະຄຳພີ​ແລ້ວ​ວ່າ: “ເຮົາ​ໄດ້​ໃຫ້​ເຈົ້າ​ເປັນ​ບິດາ​ຂອງ​ຫລາຍ​ຊົນຊາດ”. ເພິ່ນ​ເປັນ​ບິດາ​ຂອງ​ເຮົາ​ໃນ​ສາຍຕາ​ຂອງ​ພຣະເຈົ້າ​ຜູ້​ທີ່​ເພິ່ນ​ເຊື່ອ ຄື​ພຣະເຈົ້າ​ຜູ້​ໃຫ້​ຊີວິດ​ແກ່​ຄົນ​ທີ່​ຕາຍ​ແລ້ວ ແລະ ເອີ້ນ​ສິ່ງ​ທີ່​ບໍ່​ມີ​ໃຫ້​ມີ​ຂຶ້ນ​ມາ.

ພຣະເຢຊູເຈົ້າ​ໄດ້​ຖືກ​ມອບໄວ້​ໃຫ້​ເຖິງ​ແກ່​ຄວາມຕາຍ​ເພາະ​ບາບກຳ​ຂອງ​ພວກເຮົາ ແລະ ໄດ້​ຄືນມາ​ມີຊີວິດ​ເພື່ອ​ໃຫ້​ພວກເຮົາ​ເປັນ​ຜູ້ຊອບທຳ.

ທັງ​ທີ່​ບໍ່​ສົມຄວນ​ຈະ​ມີ​ຄວາມຫວັງ​ອັນໃດ ອັບຣາຮາມ​ກໍ​ຍັງ​ເຊື່ອ​ເພາະ​ເພິ່ນ​ມີ​ຄວາມຫວັງ​ເພິ່ນ​ຈຶ່ງ​ໄດ້​ເປັນ​ບິດາ​ຂອງ​ຫລາຍ​ຊົນຊາດ​ເໝືອນ​ທີ່​ໄດ້​ກ່າວ​ກັບ​ເພິ່ນ​ໄວ້​ແລ້ວ​ວ່າ, “ເຊື້ອສາຍ​ຂອງ​ເຈົ້າ​ຈະ​ເປັນ​ຢ່າງ​ນັ້ນ​ແຫລະ”.

ເຫດສະນັ້ນ ຄຳ​ສັນຍາ​ຈຶ່ງ​ມາ​ທາງ​ຄວາມເຊື່ອ, ເພື່ອ​ວ່າ​ສິ່ງ​ທີ່​ສັນຍາ​ຈະ​ໄດ້​ເປັນ​ໂດຍ​ພຣະຄຸນ ແລະ ເປັນ​ທີ່​ວາງໃຈ​ແກ່​ເຊື້ອສາຍ​ຂອງ​ອັບຣາຮາມ​ທຸກຄົນ, ບໍ່​ແມ່ນ​ແຕ່​ຜູ້​ທີ່​ຖື​ກົດບັນຍັດ​ເທົ່ານັ້ນ ແຕ່​ແມ່ນ​ຜູ້​ທີ່​ມີ​ຄວາມເຊື່ອ​ຢ່າງດຽວ​ກັນ​ກັບ​ອັບຣາຮາມ​ດ້ວຍ. ເພິ່ນ​ເປັນ​ບິດາ​ຂອງ​ພວກເຮົາ​ທັງໝົດ.

“ຄວາມສຸກ​ມີ​ແກ່​ບັນດາ ຜູ້​ທີ່​ໄດ້​ຮັບ​ການ​ອະໄພ​ໃນ​ການ​ລ່ວງລະເມີດ​ຂອງ​ຕົນ, ຜູ້​ທີ່​ບາບ​ທັງຫລາຍ​ຂອງ​ຕົນ​ໄດ້​ຮັບ​ການປົກບັງ​ໄວ້​ແລ້ວ. ຄວາມສຸກ​ມີ​ແກ່ ຜູ້​ທີ່​ອົງພຣະຜູ້ເປັນເຈົ້າ​ຈະ​ບໍ່​ຖືໂທດ​ບາບ​ຂອງ​ພວກເຂົາ​ອີກ”.

ພຣະຄຳພີ​ກ່າວ​ວ່າ​ຢ່າງໃດ? “ອັບຣາຮາມ​ເຊື່ອ​ພຣະເຈົ້າ ແລະ ເພາະ​ຄວາມເຊື່ອ​ນີ້​ພຣະອົງ​ຖື​ວ່າ​ເປັນ​ຄວາມຊອບທຳ​ຂອງ​ເພິ່ນ”.