Populaire Bijbelverzen uit মথি 5

Delen

দারাংবা চাক্কি সো·এ খকনি নিং·আও দনজা ইন্দিবা গাসানি সাক্কাওসা দন্না। ইনি গিম্মিন নকনি মান্দি গিম্মিকান সেং·আখো মা·ন্না। উয়ানদাক্কে মান্দিরাংনি মিকখাংও না·সংনি সেং·আ থেং·সুখানা, জেদাক্কে বিসং না·সংনি নাম্মা কামখো নিক্কে না·সংনি সালগিও দংগিবা ফাখো রাসং চাএতনা মা·ন্না।

‘‘না·সং হা·গিলসাকনি সেং·আ। হা·ব্রি সাক্কানি সংজিলমাখো থুম্মুয়ে দন্না মান·জা।

খা·থং রংথালগিবারাং ফাত্তিয়াখো মান·গিবা হং·আ, মুয়ানা বিসং ইসলখো নিকনা মা·ন্নুয়া।

ইসলনি হা·সিকা গিত্তা রি·গিবারাং ফাত্তিয়াখো মান·গিবা হং·আ, মুয়ানা বিসংনি উয়া হা·সিকারাং চু·সকনুয়া।

ইন্দিবা আংআ না·সংনা আগানিংআ, না·সং না·সংনি বোবিলরাংনা খা·সাবো। না·সংখো হা·রিকগিবারাংনা বি·চাকবো

‘‘গিসিকো আন·থাংথাংখো দিল্লা-চন্না ইন্নে চানচিগিবারাং ফাত্তিয়াখো মান·গিবা হং·আ, মুয়ানা সালগিনি সংনক বিসংনিন।

মান্দিরাংনি জাংগিও থম·থমাখো রা·বানা কাম দাকগিবারাং ফাত্তিয়াখো মান·গিবা হং·আ, মুয়ানা ইসল বিসংখো আন·থাংনি দেফান্থি ইন্নুয়া।

দুক চাকগিবারাং ফাত্তিয়াখো মান·গিবা হং·আ, মুয়ানা বিসং খা·নাম্মেতাখো মা·ন্নুয়া।

ইসলনি হা·সিকা গিত্তা রি·না রি·য়াংএ জেরাং গিচ্চিয়াখো চাক্কা বিসং ফাত্তিয়াখো মান·গিবা হং·আ, মুয়ানা সালগিনি-সংনক বিসংনিন।

খা·সাচাকগিবারাং ফাত্তিয়াখো মান·গিবা হং·আ, মুয়ানা বিসং খা·সাচাক্কাখো মা·ন্নুয়া।

‘‘না·সং ফাত্তিয়াখো মান·গিবা হং·আ, জেনসালো মান্দিরাং আংনি হা·সেল না·সংখো চন্নিকা আরো হা·রিকা আরো না·সংনি বিমুংও বু·এ মামান্থি নামগিজা খাৎথারাংখো আগানা। না·সং হান·সেংবো আরো খুসি হং·বো, মুয়ানা সালগিও না·সংনি মা·ন্নানিরাং বাং·এ দংআ। না·সংনা স্খাং দংগিবা আগানসোগিবারাংখোবা মান্দিরাং ইন্দাকেন হা·রিকনুয়ামিং।

গিসিক রিন্নকগিবারাং ফাত্তিয়াখো মান·গিবা হং·আ, মুয়ানা হা·গিলসাক বিসংনিন হং·নুয়া।

‘‘না·সং হা·গিলসাকনি খাসিম, ইন্দিবা খাসিমনি থোয়া গ্রিওদে বাদিকে উখো থয়েতনুয়া? উয়া খাসিম মামুং কামনাবা নাংজা। উখো হা·ফালচা গালনা আরো মান্দিনি গা·বেলবেলনা খ্রাআ হং·আ।

উনা গান্দা আগানিংআ, না·সংনি সালগিও দংগিবা ফাগিবা জেদাক্কে চু·সকগিবা হং·আ না·সংবা উয়ানদাক্কেন চু·সকগিবা হং·বো।

না·সংনি খু·সুকনি ‘হো·এ’ জেদাক্কে ‘হো·এন’ হং·খানা আরো ‘হং·জা’ জেদাক্কে ‘হং·জা’ হং·খানা; ইরাংনা আগ্রে গিম্মিকান শয়তানচানি রি·বাআ।

‘‘ ‘মিক্রোননি ফাল মিক্রোন আরো ওয়াগামনি ফাল ওয়াগাম’ ইন্নে আগানাখো, না·সং খিন্নাজক। ইন্দিবা আংআ না·সংনা আগানিংআ, না·সংমুং নামগিজা বেওয়ালখো দাক্কোদে না·সং বিনি সাক্কাও দা·আ মামুং দাক্কাবো; বাত্তেসা সাবা নাং·নি জাক্রানি নাথেংখো দকথাপোদে নাথেং সামসাখোবা বিনা দকথাপনা হন·ফাবো।

‘‘নাং·নি জাক্রানি মিক্রোন নাং·খো পাপনি রামাওনা সাল্লাংওদে উখো ওত্তে চে·ল্লাচা গালবো। বে·এন গিম্মিক নরকচা গা·আকানা বাত্তে উনি বাক গি·সা নাসিয়ান নাং·না নামবাত্তা। নাং·নি জাক্রানি জাক নাং·খো পাপনি রামাওনা সাল্লাংওদে উখো দেন·থংএ গালবো। বে·এন গিম্মিক নরকচা রি·য়াংআনা বাত্তে উনি বাক গি·সা নাসিয়ান নাং·না নামবাত্তা।