Populaire Bijbelverzen uit Matthew 5

Delen

Tă̱ħ'ă̱h, haeħ'gwah neħˑhuh' deħˑe'yăˑnoħ'dă̱ă̱h noˑgweh, na'yo̱nˑdeˑgaħt ne yo̱ntˑchĭs'doˑdah'gwaħ, neħ, kuh, neħˑho̱'o̱ˑsaˑyeˑyă̱ă̱h gaħˑno̱h'gwaˑgo̱; neħ gwa, gă̱s, neħˑhuh' waħˑe'nyuˑdă̱ħ he'o̱ˑweh ye'nyu'dahˑgwaħ; neħ, kuh, ne gaˑgwe'go̱h oħˑdya'goˑhat'heħˑdă̱ħ, ħe'niˑyo̱'gwehˑdaˑge o̱ˑgyeh' yeˑyă̱hˑsă̱ħ. Neħ'huh, dih, nă̱ˑyuħ'dă̱ˑa̱k, dă̱ˑyuh'hatˑhe'aak ne deˑswah'hatˑhĕs'hăħ, he'aˑdiˑgaħt no̱'gweh; neħˑhuh' no̱n'daˑweehˑdʋk a'aˑdiˑgă̱ħ he'niˑwiˑyu ne swai'oħˑdʋs'hăħˑsho̱ħ'; neħ, kuh, neh dă̱'o̱ˑwa̱'ă̱hˑsă̱'o̱ˑnyo̱o̱ħ' ne Sheˑswaħ'nih, gă̱'o̱ˑyaħˑgĕh thă̱ħˑdyo̱ħ.

Iis ne deˑyuh'hatˑhĕs'dahˑgo̱h he'yo̱ˑă̱n'jaˑdeħ; Neħ noˑno̱n'daˑgă̱'yaat gaˑno̱n'daˑyă̱ħ deħˑa'o̱h a'waˑdah'sĭt.

Goˑdă̱'o̱h ne deħˑthaħ'gwĭsˑdă̱ħ deħˑao'weħ ne'waˑet'gă̱ħ gaˑwă̱n'nyahˑsaħ'gĕh; neħ, să̱ħ'ă̱h, nă̱ˑo̱'wa̱ˑgă̱ħ Na'wĕnˑni'yuħ.

Goˑdă̱'o̱h ne'neħ goˑdo̱s'sweħˑda'nĭsˑthaħ, neħ, kuh, yeˑaħ'datˑhă̱s'thaħ na̱'yeˑi'waˑyeˑis he'niˑgai'wih'saħˑho̱ħ; neħ, să̱ħ'ă̱h, nă̱ˑya'guhˑdaħt.

Neħ gwa', niiħ noħˑgwă̱'a̱s, Eħ'chiˑno'o̱hˑgwaak neh eħˑchiħ'niˑgo̱'ă̱sˑswa'ă̱s; neħ, kuh, neħˑchi'yaˑdo̱'eˑsyo̱h'gwaħˑse'aak na'yaˑgo'dăħˑswi'yuˑaak, neh yo̱nˑdo̱'eˑsyo̱h'gwaħ nae'saˑdăħ'swaˑet'gă̱ħt'; ă̱ˑshe'yaħˑda'geˑhaħ no̱ˑsʋs'swaˑă̱s; neħ, kuh, nă̱ˑshe'yaˑdă̱'na̱ˑyă̱'niˑak no̱'saˑgă̱'ă̱ħˑsyo̱ˑniih, kuh no̱ˑsa'no̱hˑgo̱ntˑhaħ.

Goˑdă̱'o̱h ne goˑda'deˑgă̱h he'waħˑo'dă̱sˑtheħt ne gutˑwaisˑhăħ, neħ, kuh, he'ehˑdaħ'gĕh goˑda'do̱ˑnih; neħ să̱ħ'ă̱h goˑwă̱h ne gă̱'o̱ˑyaħˑgĕh oˑi'waħˑgĕh ne dwă̱ˑno̱h'do̱ˑo̱ħ'shăˑgwĕnˑni'yuħ.

Goˑdă̱'o̱h ne jeˑi'wʋsˑyo̱ˑnih neh skă̱ă̱ˑno̱ħ taˑgai'wiˑyu'aak; neħ, să̱ħˑă̱h, nă̱ˑye'yaˑso̱'o̱k, Ha'wĕnˑni'yuħ hokˑsaħ'daħˑsho̱ħ'.

Goˑdă̱'o̱h ne yo̱nˑdă̱'na̱ħs'; neħ, să̱ħ'ă̱h, naeh, neh dă̱ˑyo̱n'dahˑni'go̱ˑo̱nˑdă̱ħ.

Goˑdă̱'o̱h no̱nˑdah'no̱hˑgo̱ntˑhaħ neħ tgai'o̱ˑnih heˑgoˑi'waˑye'ĭsˑdo̱h heˑniˑgai'wih'saħˑho̱ħ; neħ, să̱ħˑă̱h, goˑwă̱h ne gă̱'o̱ˑyaħˑgĕh oˑi'waħˑgĕh ne dwă̱ˑno̱h'do̱ˑo̱ħs'hăˑgwĕnˑni'yuħ.

Goˑdă̱'o̱h ne goˑda'niˑdă̱ˑo̱h; neħ, să̱ħˑă̱h, nă̱ˑye'gă̱ħ' nă̱'jo̱nˑda'diˑdă̱ă̱h.

Swă̱nˑdă̱'o̱h nă̱ħ' iis noˑnă̱h' ă̱ˑyeħ'chiˑno̱h'go̱nˑdă̱ħ no̱'gweh; neħ', kuh, nă̱ˑyeħˑchiˑgă̱ă̱ħ'syo̱ˑniħ; neħ', kuh, naaħ'deˑwaˑet'gă̱sˑhăˑge ă̱'yeħˑchi'waħˑĭs'thaak, ă̱ˑyeħ'chiˑyă̱'noˑwă̱h'daˑni'aak, neħ' ă̱nˑdyiu'iˑwaħ'gă̱ˑa̱k heh deˑsgwai'wa'gaˑneeħ. Jo̱ħ'eˑshah, neħ, kuh, naaħ'deˑyuˑdoħk' jaˑdo̱h'ha̱ˑă̱h; oˑi'oˑwaˑnă̱h, să̱ħˑă̱h, ă̱ˑdi'swatˑga'nyaħˑgă̱ħ ne gă̱'o̱ˑyaħˑgĕh; neħˑhuh', să̱ħ'ă̱h, nĭtˑho̱'wa̱nˑdi'no̱hˑgo̱ntˑhaħk noˑdi'doˑgă̱s'daˑno̱'niˑak no'ă̱nˑdo̱'gwa heˑswaˑyaħ'daˑdeħ hoˑno̱n'do̱ħˑo̱h.

Goˑdă̱'o̱h ne guħˑniˑgo̱'ă̱ˑniˑdă̱s; neħ, să̱ħ'ă̱h, ă̱ˑya'goˑwă̱sˑtheħt he'yo̱ˑă̱n'jaˑdeħ.

Iis neħ'huh noˑjĭk'heħˑdaħ he'yo̱ˑă̱n'jaˑdeħ; neħ gwa', ne dyă̱'gwah ă̱ˑyut'gă̱hˑso̱'o̱k noˑjĭk'heħˑdaħ, a'nă̱ntˑgaˑye'ăħˑdak' nă̱ˑsga'jĭkˑheħ'daˑgăănt'? Neħ, waeh, neh deħˑtah'gwisˑdă̱ħ to̱'saˑwaˑdĭs', neħ, sho̱, nas'deh hă̱ˑwa̱n'dyo̱ˑo̱k; neħ' kuh, dă̱ˑă̱'nă̱'ă̱sˑgă̱ħsˑyo̱k' no̱'gweh.

Neħ, dih, gai'o̱ˑnih, Swai'waˑye'ĭsˑdo̱ˑo̱k' nă̱ħ' ĭis, ă̱ntˑchis'swaˑye'ă̱ˑa̱k he'nitˑhoˑi'waˑye'ĭsˑdo̱h ne Sheˑswaħ'nih ne gă̱ˑo̱ˑyaħ thă̱ħˑdyo̱ħ'.

Neħ gwa', heˑnă̱ˑyuħ'dă̱ˑa̱k ne dă̱ˑswat'hă̱ˑo̱ˑnyo̱k', neħˑhuh', neħ huh'; tă̱ħ'ă̱h, tă̱ħˑă̱h. Neħ, să̱ħ'ă̱h, a'diħˑgwa'na̱ħˑot ă̱ˑga'at nă̱ˑgă̱, ne ho'gwa dwehˑdah'gwaħ haˑyaħ'daˑdeħ naaħ'niˑgo̱'et'gă̱ħ.

Swai'wa̱ˑo̱ˑgă̱h, thă̱ˑno̱n'do̱ˑo̱k no'nă̱hˑjih, Neħ noˑga'aħ haħ'dă̱ă̱kˑneeħ' noˑga'aħ; neħ, kuh, noˑnoħ'jaħ haħ'dă̱ă̱kˑneeħ' noˑnoħ'jaħ. Neħ gwa', niiħ noħˑgwă̱'a̱s, Să̱ˑno̱h' niis neħ dă̱ˑjiˑswai'waħˑsăˑgwat ne'waˑetˑgă̱ħ; neħ gwa', ne so̱'diħˑgwa'na̱ħˑot ă̱ˑă̱'nisˑoh'daˑgwă̱h'da'ă̱ħ ă̱ˑya'go̱ˑek syă̱ˑneh'go̱'gwa saˑda'hosˑgwaħ'gĕh, ă̱ˑsat'ga''ă̱ˑguħ, neħ ne'waħ ne sgaˑgă'ăˑdi'gwa ă̱ˑo'deħˑsă'yă̱sˑtheħs.

Neħ, kuh, ne dyă̱'gwah ne syă̱nˑneh'go̱h seˑga'at ă̱ˑsai'wa'neħˑaak'dă̱ħ, ăntsˑdah'gwat; neħ, kuh, neh sih' hoħ'sa'dih'; neħ, să̱ħˑă̱h, sas'hă̱ˑno̱ˑnyʋs'hăħ niis, neh skat o̱n'deˑsa''dăˑgwʋs' neh syaħˑdaħ'gĕh, he'niˑyo̱o̱h' sĭsˑda'no̱h; naeh heˑniˑyuħ'dă̱ na'syaħˑda'gweˑgo̱'o̱nˑdyĭĕħ haˑnĭs'heˑo'na̱ħˑgĕh ha'waħˑsă̱h'do̱ˑo̱k. Neħ, kuh, ne dyă̱'gwah ne syă̱nˑneh'go̱h sĭsˑoh'daħ ă̱ˑsai'wa'neħˑaak'dă̱ħ, iˑjaħk' ne'neħ; neħ, kuh, neh sih' hoħ'sa'dih'; neħ, să̱ħ'ă̱h, sas'hă̱ˑno̱ˑnyʋs'hăħ niis, neh skat o̱n'deˑsa'dăˑgwʋs' neh syaħˑdaħ'gĕh, he'niˑyo̱o̱h' sĭsˑda'no̱h; naeh heˑniˑyuħ'dă̱ na'syaħˑda'gweˑgo̱'o̱nˑdyĭĕħ haˑnĭs'heˑo'na̱ħˑgĕh ha'waħˑsă̱h'do̱ˑo̱k.