Populaire Bijbelverzen uit Munra ta Rom 8

Delen

Wa nina we gilala monina si amairasei we tape God val gene ŋaŋ we gagapalag saratuwale si a wia, mun rasei nane me logira ma mun o nonom mot.

Ape na me sov veta siwo naapek si itagai tea o matea si o esu, itagai o angel ŋaŋ si ra gene we liwoa goro, itagai o gene ŋaŋ me rasu veta, si te qale rasu ma ti, itagai o gene ŋaŋ we mana, si we eleele si we roro, itagai o gene tiŋ we sea, si te vile wora savrag lai nina nan o tapeva mon God ilone, we toga alo i Christ Jesus i Lord inina.

Wa we sasarita apena, o Vui we pirpiriŋ namatevunina we mageregere; ape nina gate gilala we tataro tama we sar; nava o Vui ilone ti tataro tinanai mona mun o liŋe masorsor tete vava lue lai.

Pa si ta tamaine nina te vava o sava ape ine ŋaŋ? Si God ta tavaliu ma amenina, isei te tavaliu munina?

Naŋ i tagai ran tea ilokenake o vavae veveg goro rasei we toga alo i Christ Jesus, wa gate mulemule tataga o visogoi nava tataga o Vui.

Ape o nonomia talo visogoi o matea nane; nava o nonomia tape Vui o esu nake wa o tamata

Nava alo ine ŋaŋ nane nina we lalakete raka sage monina, mun neia gina me tape veta nina.

Ape nau we nonom si tete vasogo lai o val vivtig ŋaŋ te roŋo alo masaoi nake iloke, tama si we sasarita ape leŋas te ŋaŋalue aŋaisa ivunanina.

Isei tea te vilewora savrag nina nan o tapeva mon Christ? Ta ganawono tea? si o qisaŋwono? si o koskos gap, si o maliŋsala, si o togara mamasa, si o vagona, si o gasal?

Wa i gene we sikesike waririag val toqai ŋaŋ ni we gilala si o sava o nonomia non o Vui, ti tataro tinanai apenra roŋo tama we sar amen God.

O manigiu irasei nol o Vui non God we vanogagira, ineira nane ira nanatun God.

O manigiu irasei we togatoga tataga o visogoi we nononom o gene ŋaŋ talo visogoi; nava irasei we tataga o Vui o gene ŋaŋ tape Vui.

Ineia qa gate gogoroi i tur Natuna, nava me ukegia ma ape nina nol, wa te ge gasei si ni tete sogov mamasa saratuwale mulaŋ ma amaia o gene ŋaŋ munina?

Wa o Vui nane ilone we gaganag mona saratuwale we tira amen naatanina, si nina ra mermerein God. Pa si ta mereina, wa ra lelesina mulaŋ; ira lelesin God nane, wa ra lelesiu saratuwale amen Christ; nina ta roŋo vivtig lova saratuwale amaia ilokenake, si nina a leŋas saratuwale mulaŋ amaia aŋaisa apena.

o manigiu o nonomia talo visogoi o tavalalea mun God; ape gate maŋas goro o lea mon God, wa gate lai ran qa tamaine.

Ape o nom nerei tinegaro non o gene tiŋ qa we narnare gese o ŋaŋalue ma nora nanatun God.

Ape nina we gilala monina si val gene tiŋ ti masorsor wa ti vivtig saratuwale ran ma.