Populaire Bijbelverzen uit От Иакова 1

Delen

Ухпықа̄лгутымни, қуя̄қитык алъя̄ҳӣнаӷмың сыӷлылӣныҳпысини, қаюҳлъяк лӣсимакаси сыӷлылӣлъыҳпыси нанӷӣқуңўа̄т ухпықилъыҳси, нуқынъыҳтуҳсяӷналюси.

Налиҳси пыҳқинылъыңьюкуми туңсиӷли Кияӷныӷмың. Кияӷнық иӷлыгитыҳлъяхтуқ, қуякусиқинаӷлюку тӯныхкаюўа̄ қамахлъюку ю̄к а̄плъыҳӣ. Кияӷныӷым тӯнылъықӣси туңсиқуфси.

Пиниқыхкамни ухпықа̄лгутымни, нықамиклъюку уна: тамаҳаӷми нагасюкыстаӷлюни пияҳқа̄гуқ, акузӣӷаҳтафқа̄милъю, сякша̄гаӷаҳтафқа̄милъю

Та̄хкын нуқынъыҳтулъыҳси нагныӷнакыси. Ынка̄м таўатын пикуфси аңтанӣлъықуси, ӣӷўиҳлъықуси нӯӷьяҳқа̄хпынаси.

Нагатаӷыснаҳпынаки Кияӷныӷым акузитаңи итупилъ атуқитыки. Пӯҳтақуси лъпысиның катам нагатаӷыснаныҳпысики атуқыхпынаки.

Қуянаҳалык югым нанӷӣқулъыни нуқытуткаюги. Сюфлъюҳтыкумики алъхыҳсяҳқақа̄ акилыҳтӯсяни кынлыңилңуқ уңувалъық, Кияӷныӷым акықусяқыхка̄ тӯнылъықнилюку пиниқистыминун.

Қамахлъютың пинилӷӣтлъю, сялъҳўа̄ҳӣлңӯтлъю тунусят қилягмың пиңӯт. Тама̄кут Атамың пиңӯт улимаӷистыңаның қамахлъюни ниӷугым; алъяңуҳсигатуқлъю, мамлыхтыстиңигатуқлъю.

Ю̄к нагатаӷыснақуми Кияӷныӷым акузитаңаның атуқыхпынаки, таӷныӷаҳқулӷӣстун аюқуқ тунускуми таўаниңинақ пуйгулъықа̄ натытулыни.

Кияӷныӷым Атамта пилъҳани ю̄к ухпылъыпӣлгукуми, каюсиӷьяҳқақӣ яйўа̄литлъю, угиңиӷатлъю сыӷлылӣнӷата, нуқысяҳқа̄гуқлъю сыӷлыӷаның нунам.

Кина алңунак нанӷӣқулъыңыхкуми хўатын пифқа̄ми: «Кияӷныӷым сыӷлыҳқыснақутка̄ңа». Кияӷнық нанӷӣқулъыңьяҳқаҳа̄нӷитуқ сыӷлыӷмың; тама̄кын апалъюқлъюку кина алңунак сыӷлыҳқыснақуткысяҳқақынӷита̄. Иўырңа ю̄к пиюкылъылюган нанӷӣқулъыңыстақа̄ сыӷлыҳқылъыӷмун. Сивуклъюку пиюкылъылюган сяюгақа̄ сыӷлыҳқылъыӷмун, та̄хкын сыӷлыҳқылъҳым на̄птақа̄.

Йықай аклъюмалӷӣ ухпықа̄лгун қуяли қӯлваҳтыстыңъалъыӷминың.