Populaire Bijbelverzen uit 1е Петра 4

Delen

Мыгнуналъыҳпига̄гуқ уна: пиниқутыпӣглюси қаюҳлъяк пиниқылъҳым сыӷывутыстақӣ сыӷлыҳқылъылӷутыҳлъягыт.

Тамаҳаҳпыси алъхыӷутка̄гуси тунусяның атуҳқамың иляхпысинун. Алъя̄ҳӣна̄т тунусят Кияӷныӷмың писи атуқақитыки пинитун.

Тунусялгыт акузимун акузилит Кияӷныӷым акузитаңаның. Тунусялгыт қыпҳга̄тимун қыпҳга̄тилит икнақылъылиӷлютың Кияӷныӷым тӯныхка̄ның. Ынка̄м сялъыҳпысигун тамаҳа̄кун Кияӷнық усюқылъыңылъықуқ Иисус Христосыкун. Лъңан пика̄т ниӷуҳқылъықлъю, аҳтуӷьяҳқа̄нӷилъықлъю қӯнпырухлъяк кынлыңуна̄н. Аминь.

Нақамынрақ икфиқсяҳқа̄куфси Христианиныңутыхпысиның, кайңуюхпынаси иўырңа усюқнакыси Кияӷнық атиқаңиси Христосым а̄тҳаның.

Сяңўа̄ қамахлъюни кынлытҳӯсяҳтуҳтуқ. Тама̄кын апалъюқлъюку хўатыҳлъюўа̄ӷулюки умьюгаси, нуқынъыҳтулюси юӷаӷьяҳқа̄люси юӷалъыҳқаҳпысистун.

Пиниқыхкамни илякумта̄мни, қӯвьюхпынаси сыӷлылӣӷрукута̄ҳлъягыт ка̄скаңиси нанӷӣҳсяӷаӷналюси. Нанӷӣҳсяӷалъыси алъяка̄ягунӷитут. Итупилъ қуятык илялъҳӣси Христосым икфиқылъҳанун қуяңаҳлъягысқылъюси ниӷуҳқылъҳа алӣҳтыкан.

Упуӷанӷулюси қикыҳқуфқа̄фси.

Ынка̄ңам тама̄кут икфиқылӷӣт апалъюқлъюку Кияӷныӷым пиюкылъҳа, ылъқуӷулъютың пилъықут, ныӷьюкулъықӣтлъю уңуваситың ата̄сӣӷмылңуӷмун Улимаӷистымун.

Икфиқыхка̄таңаның Христос югусимикун лъпысилъю ята̄ҳқитык икфиқсяҳқа̄люси Христосытун, қаюҳлъяк кина алңунак югусимикун икфиқылӷӣ сыӷлыҳқысюгнанӣма̄қ. Ынка̄м хўакын кынлыклъюку уңувалъыҳпыси тахталңатун малиҳқутақыхпынаси югусиҳпыси пиюкылъҳанун, иўырңа атуқитыху Кияӷныӷым пиюкылъҳа.

Сыӷлықӯқаңиси апалъюқлъюку малихся̄ҳтыңумалъыҳси Христосымун, қуястылъылгӯси қаюҳлъяк Кияӷныӷым Таӷныӷакык ниӷуҳқыңъалӷӣк кияҳтыңӯқ лъпысини.