Populaire Bijbelverzen uit 1е Коринфянам 13

Delen

Пиниқылъық нуқынъыҳтӯқлъю, наңлъыхтаҳтуқлъю; пиниқылъық ақинаңитуқ, налиӷмың ямшаңитуқ, налиӷмың а̄ңа̄югныӷитуқ. Пиниқылъық сыӷлыӷьюгутңитуқ, налиӷмың лъңина̄югныӷитуқ. Пиниқылъық сягиқигатуқ пиюкылъыӷмитун пиналюни, қикыҳқуңигатуқ, налиӷмың нықамикиңигатуқ анахутылъыӷмың.

Пиниқылъық ата̄сӣӷмытуқ сяңўа̄ сяяӷңа̄н. Ӣўлың ухпықиңа̄қ, ӣўлың ныӷьюкиңа̄қ, ӣўлың нуқынъыҳтӯқ.

Пиниқылъҳым қуясиқигата̄ сыӷлық, йыӷлыги қуясиқақа̄ ипапилъық.

Ынка̄ңам укут пиңают кынлытҳӯнъа̄нӷитут: ухпылъық, сиӷималъық, пиниқылъық; иўырңа пиниқылъҳӯқ аңылъыҳпигақ.

Пиниқылъық кынлыңилңуқ. Ӯкналиқылъҳыт кынлытҳӯсяҳқа̄гут; алъястун акузилъҳыт та̄қсяҳқа̄гут; лӣсималъық кынлытҳӯсяҳқа̄гуқ.

Акузикаюгуяӷңа̄ӷма югытлъю, яқулгытлъю акузилъҳистун, тымңи тыңъа̄хтаҳлъықуңа налиӷмың лыңа̄ҳтаҳлъықуңа пиниқинӷилъкума.

Ӯкналиқыхкаюгуӷңа̄ӷма, лӣгикыхкаюгуӷңа̄мки алӣнъыӷилңӯт қамахлъюки, лӣсималъық қамахтыкақсяӷңа̄мкун, ухпықилъылгуӷңа̄ӷма на̄йӷанун нӯхтисиҳқамың, пикатңуна̄нӷитуңа пиниқинӷилъкума.

Тӯньяӷңа̄мки қамахлъюки сянка аклъюмалӷӣнун, налиӷмың паныҳтысяӷңа̄ӷма уңипақилъқа Пинилӷӣның Уңипаның апалъюқлъюку, алъхыӷунъа̄нӷитуңа пиниқинӷилъкума.

Таӷнуҳа̄люңа акузикаюгуяҳтуңа, сюмыҳтаӷақаюгуяҳтуңа, лӣгикыхкаюгуяҳтуңа таӷнуҳаӷыстун, иўырңа югуҳсялӷӣңа таӷнуҳаӷыстун пинаниҳтуңа.