Populaire Bijbelverzen uit မၢတ်ႈထႄႇ 8

Delen

မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ သူ​ၸိူဝ်း​ဢၼ်​ယုမ်ႇ​မၢတ်ႈ​ၵေႇ​တင်း​လၢႆ​ၼႆႉ​ဢိူၺ်း၊ ႁဵတ်း​သင်​လႄႈ​သူ​ၵူဝ်​ၼင်ႇ​ႁိုဝ်​၊ ဝႃႈ​ၼင်ႇ​ၼႆ​ယဝ်ႉ​ၸင်ႇ၊ လုၵ်ႉ​လႄႈ​သင်ႇ​သွၼ်​လူမ်း​တင်း​ပၢင်ႇ​လၢႆႇ​သေ​ယဝ်ႉ၊ ပၢင်ႇ​ၸိုၼ်ႈ​ၼိမ်​လီ​မႃး​ၼႃႇ​လူင်​လၢင်​ဢေႃႈ။

တပ်ႉ​မူး​ၵေႃႈ​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ၵဝ်​ၶႃႈ​ဢမ်ႇ​ထိူၵ်ႈ​ၶၢမ်ႇ​တၢင်း​ဢၼ်​ၸဝ်ႈ​ႁဝ်း တၵ်း​မႃး​ၶဝ်ႈ​ၵႃႈ​တႂ်ႈ​ႁူမ်ႈ​ႁိူၼ်း​ၵဝ်​ၶႃႈ​တီႈ​ၶႃႈ။ ပေႃး​ၸဝ်ႈ​ႁဝ်း​မီး​ဢမိင်ႉ​ၵမ်း​ၼိုင်ႈ​ၵူၺ်း​ၸိုင်၊ ၵူၼ်း​ဢွၼ်ႇ​ၵဝ်​ၶႃႈ​ၼၼ်ႉ တၵ်း​လႆႈ​ၵတ်း​ယဵၼ်​ၶျၢမ်း​သႃႇ​တီႈ​ၶႃႈ​ဢေႃႈ။

ယေႇသူႉ ​ၼၼ်ႉ မိူဝ်ႈ​ဢၼ်​ငိၼ်း​ၵႂၢမ်း​ၼၼ်ႉ​ၸိုင်၊ ဢၢမ်း​ၼႃႇ​လူင်​လၢင်​လႄႈ လၢတ်ႈ​တီႈ​ၶဝ်​ၸိူဝ်း​ဢၼ် ၸွမ်း​ပႃႈ​လင်​မၼ်း​ၸဝ်ႈ​တင်း​လၢႆ​ၼၼ်ႉ​လႄႈ​ဝႃႈ၊ ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ တၢင်း​ယုမ်ႇ​မၢတ်ႈ​ထၢၼ်ႇ​ၼႆႉ​ၸိုင်၊ ၵႃႈ​ၼႂ်း​ၸိူဝ်ႉ​ၶိူဝ်း ဢီႉသရေႇလႃႉ ၼႆႉ ၵဝ်​ဢမ်ႇ​ပႆႇ​တွၼ်ႉ​ထူပ်း​သေ​ပွၵ်ႈ။

မၼ်း​ၸဝ်ႈ​လၢတ်ႈ​တီႈ​တပ်ႉ​မူး​ၼၼ်ႉ​လႄႈ​ဝႃႈ၊ မႂ်း​ၵႂႃႇ​တႃႉ။ ၵႃႈ​ၼင်ႇ​ဢၼ်​မႂ်း​ယုမ်ႇ​မၢတ်ႈ​ၼႆႉ ႁႂ်ႈ​ပဵၼ်​တီႈ​မႂ်း​တႃႉ၊ ဝႃႈ​ၼင်ႇ​ၼႆ​ဢေႃႈ။ ၵူၼ်း​ဢွၼ်ႇ​မၼ်း​ၼၼ်ႉ ၶႅၼ်း​မႃး​ၵမ်း​လဵဝ်​ဢေႃႈ။

ၵူၼ်း​တင်း​လၢႆ​ၸိူဝ်း​ၼၼ်ႉ​ၵေႃႈ ဢၢမ်း​လႄႈ​ဝႃႈ၊ ၵေႃႉ​ၼႆႉ​ပဵၼ်​ၵူၼ်း​ၸိူဝ်ႉ​ၼင်ႇ​ႁိုဝ်။ လူမ်း​တင်း​ပၢင်ႇ​လၢႆႇ ထွမ်ႇ​ဢဝ်​ၵႂၢမ်း​မၼ်း​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။