Populaire Bijbelverzen uit SASUWANG 9

Delen

Kateho i kumu Daku iwala wiahi, tadeau Ia botonge mupatode kawasa-Ku si kau, hakiu areng-Ku tumeleng su kaul᷊i u dunia.

MAWU nuhengetang si Musa, “Tamaite putatingo ngu ratu, dang ul᷊iko si sie himoneu MAWU, Ruata ngu tau Ibrani, nangul᷊i: ‘Pakawalako umati-Ku matamai tadeau i sire botonge makapanumba si Sia.

Boko Ia mo muhukung i kau dang kawanuangu dingang u sahinda, nal᷊ahe i kumu seng nawinasa kahingang.

Ia sarung mupasongo ngu sahinda ko mabuha su kaul᷊i u binatang papal᷊iharang i kumu, kawal᷊o, keledai, onta, sapi, domba l᷊au kambing i kumu. Ia sarung muhae ngu binatang papal᷊iharang u tau Israel l᷊au binatang papal᷊iharang u tau Mesir. Bou binatang papal᷊iharang u tau Israel, takoae sarang simbau ko sarung mate.

Dol᷊ou mal᷊ukari su tempo ko musul᷊ung, Ia sarung mupasongo ngu tahiti eisi ko mauha kere ko mborong ta paghisa nariadi su Mesir mangkeng l᷊inau tempo horo sarang tempo i'i. Kuteu parentaiko tadeau kaul᷊i u binatang papal᷊iharang dang patiku apang ko tataghuaneng u ko ene su l᷊ikuri wawa sarang tampa ko takoae sungkal᷊ange. Kaul᷊i u taumata l᷊au u binatang papal᷊iharang ko ene su l᷊ikuri dang ta makapusirung sarung mate kahinomang u tahiti eisi.’ ”

Kuteu awu e'e sarung mukaesi su kaul᷊i u tana Mesir, su taumata dang binatang awu e'e ko sarung makal᷊itou manga wisul᷊i ko mapusu makoa l᷊esi munana.” Bou e'e i Musa l᷊au i Harun nangal᷊a awu, dang nutumatingo su ratu. I Musa nanawuhi awu e'e sarang kinoang. Su taumata dang binatang nul᷊umitou manga wisul᷊i ko napusu nakoa l᷊esi nunana.