Populaire Bijbelverzen uit SASUWANG 10

Delen

MAWU nuhengetang si Musa, “Tamaiko pupatingo su ratu. Ia seng nupakakitihi si sie dingang u manga mapapangkati, tadeau Ia botonge mukoa manga tatia ko makal᷊aherang su tal᷊oara i sire, dang tadeau i kau botonge makapuwuke su ana pungu kirapa Ia mumputaghunang u bangsa Mesir dingang u manga tatia ko makal᷊aherang e'e. Inau i kumu kaul᷊ie sarung matitong himoneu ko Ia MAWU.”

MAWU nuhengetang si Musa, “Hengkeko l᷊imau sintarai, inau tana Mesir sarung nipikung u kararundung.” I Musa nuhengke l᷊imange sintarai, dang tilu l᷊ou l᷊iwuenge kaul᷊i u tana Mesir nipikung u kararundung. Taumata ngu Mesir ta nakawua manga apa dang su kal᷊iwuenge e'e takoae sarang singkatau l᷊ai ko l᷊ul᷊al᷊eng sarang manga apa. Kateho su manga wal᷊e ngu tau Israel tatapi masua.

I Musa nuhengke u tikinge dang MAWU nupatiu anging raki su soa e'e silou matiwatu dang sihuwi matiwatu. Masandighi mal᷊ukari anging e'e numbawa manga kumbati ko kere'e kaul᷊ie, hakiu napene kaul᷊i u soa. Mborong ta paghisa taumata nakawua kumbati kere'e kaul᷊ie, dang bou e'e l᷊ai hal᷊i ko kere'e ta paghisa sau nariadi.