Populaire Bijbelverzen uit SASUWANG 32

Delen

Tempo ngu bangsa Israel nakawua himoneu i Musa tumaniu mal᷊iwue kahingang ta nurumusung bou wul᷊uri, kateho mborong l᷊ai dasi se'e, i sire nul᷊ahumbung si Harun dang nangul᷊i si sie, “I kite wugha ngu apa nariadi si Musa, taumata ko seng numbawa si kite nusumuwang bou Mesir, inau koako guna ngi kami mahang mawu ko sarung mangaha si kami.”

Inau MAWU nangul᷊i si Musa, “Rusungte pakaehong, watu'u bangsa ko niahau nusumuwang bou Mesir seng nukoa hal᷊i ko l᷊al᷊ai. I sire seng nul᷊enga bou manga parenta-Ku. I sire nukoa patong sapi bou wul᷊aeng nituno, bou e'e nanumba si sie dang nangonggo korbang si sie. Angkung i sire, e'e ko mahang mawu ngi sire ko numbawa si sire nusumuwang bou Mesir.

Bou e'e i Harun nupararisi u mesba simbau su tingo ngu sapi wul᷊aeng e'e dang namohang, “Dol᷊ou pia sal᷊iwang guna ngu mangadati MAWU.” Ndai mal᷊ou mal᷊uka-l᷊ukari, manga taumata ngu Israel numbawa pira mbau binatang guna ngu korbang tongkateng, dang pira mbau l᷊ai korbang purarame. I sire nukumangiang nukumang l᷊au nanginung, bou e'e nurumarisi guna ngu mahul᷊uasi.

Ndai mal᷊ou i Musa nangul᷊i su manga bangsa e'e, “I kumu seng nukoa dosa ko l᷊abo. Kateho orasi i'i ia sarung sumaka wul᷊uri e'e sau guna ngu mupasaruang ngu MAWU; kere botonge ia makarea kal᷊aampung u dosa ngi kumu.”