Populaire Bijbelverzen uit SASUWANG 31

Delen

“Ia seng namile si Bezaleel ana i Uri, pung i Hur bou suku ngi Yehuda, dang nangonggo si sie dingang u kawasa-Ku. I sie Daku nionggol᷊ang u titong, kapapande dang kakapilesa, su l᷊al᷊ung u kaul᷊i u patiku hal᷊i ko matahuki: guna ngu mukoa gambari hal᷊i ko mupake kapapande l᷊au muhal᷊i bou wul᷊aeng, sal᷊aka dang witu; guna ngu pangehoghi watu permata ko sarung pul᷊ighahi, guna ngu mangukiri kau dang guna ngu haghi ngu hal᷊i ko matahuki ko wal᷊inge.

tadeau pamohang su bangsa Israel, “Tinaungeko l᷊ou ngu Sabati, l᷊ou ko seng Daku nitantu kere l᷊ou pangindul᷊eng. Guna ngu sarang kal᷊iwuenge l᷊ou e'e makoa putatinaungang su tal᷊oara i kumu dingang-Ku, tadeau i kumu matitong himoneu koa Ia MAWU, dang himoneu Ia seng nudiandi ngi kumu, bangsa-Ku sisane.

L᷊ou e'e ko simbau putatinaungang ko tatapi su tal᷊oara u bangsa Israel dingang-Ku, watu'u Ia, MAWU seng nundiadi l᷊angi dingang u dunia su l᷊al᷊ung u tempo nungu l᷊ou, dang su l᷊ou kapitunge Ia nangindul᷊e.”