Populaire Bijbelverzen uit Romefo 1

Delen

Na m’enyi nnto asɛmpa no ho, osiandɛ ɔyɛ Nyankopɔn no tum a ɔdze kɔ nkwagye mu ma hɔn a wɔgye dzi nyina, odzi kan Jewfo, nye Griikfo so.

Osiandɛ no mu na woyi Nyankopɔn tsenenee edzi, ɔnam gyedzi mu kowie gyedzi mu: dɛ mbrɛ wɔakyerɛw dɛ, Ɔtseneneenyi nam gyedzi do benya nkwa.

Na Nyankopɔn ho adze a wonnhu no, ofitsi ber a wɔbɔɔ wiadze no ɔnam ndzɛmba a wɔayɛ do ada no edzi pefee, ma wɔdze adwen hu mu, mekyerɛ no tum a onnyi ewiei nye ne nyamesu no; dɛm ntsi wonnyi anoyi biara

osiandɛ wohun Nyankopɔn no, wɔannhyɛ no enyimnyam dɛ Nyankopɔn, eso wɔannda no ase; na mbom hɔn adwen yɛ nkwaseadwen, na sum hyɛɛ hɔn akoma a ntseasee nnyi mu no ma.

osiandɛ wɔsesaa Nyankopɔn no nokwar no gyee ator, na wɔsɔree soom abɔdze kyɛɛn Bɔadze, ɔno a woehyira no daa no; Amen.

Na wofi sor ada Nyankopɔn ebufuw no edzi etsia nyimpa a wonnsuro Nyame na wɔdze brakyew nam emumuyɛ nyina do siw nokwar no kwan no

Dɛm ntsi Nyankopɔn yii hɔn maa enyimguase akɔndɔ nhyɛdo mu: na hɔn mbaa dze hɔn nyɛbea a ɔsɛ hɔn suban sesae gyee dza otsia hɔn suban; dɛmara so na hɔn mbarimba so gyaa dɛ wɔnye ɔbaa hyia dɛ mbrɛ ɔsɛ na ɔfata hɔn suban, na mbom wonyaa akɔndɔ wɔ hɔnho nkorkor, mbarimba nye mbarimba yɛɛ adapaadze, ntsi so wonyaa akatua a ɔfata hɔn mfom wɔ hɔnankasa hɔn mu. Na dɛ mbrɛ woemmbu no bi dɛ wɔbɔkora Nyankopɔn wɔ hɔn nyimdzee mu no, Nyankopɔn so gyaa hɔn maa adwen a ɔmmfora, dɛ wɔnyɛ dza ɔmmfata.

Hɔnara wɔse wɔyɛ enyansafo no, wɔdaan nkwasea, na wɔsakyeer Nyankopɔn a ɔmmprɔw n’enyimnyam yɛɛ nyimpa a ɔprɔw no honyi saso, nye ntumbowa, nye mbowa a wotsia ntwɛr anan, nye aweaweambowa dze.