Populaire Bijbelverzen uit ROMA 7

Delen

Jari kammaminjo katallassangku: kuturuki hukkung-hukkung battua ri Allata'ala, siagang pikkirangku, mingka sipa'-sipa' ma'rupatauku mannuruki mae ri dosaya. Teai sipato' cilakaku anne! Inaimi ero' ampasalamaki anne batangkalengku, eroka mange ri kamateanga? Sukkuruka' mae ri Allata'ala! Nasaba' Iami ampasalamakka' tete ri KalenNa Isa Almasi.

Kuassemmi angkanaya tena sikalimo apa-apa baji' lalang ri batangkalengku, iamintu lalang ri sipa'-sipa' rupatauku. Nasaba' nia' erokku anggaukangi kabajikanga, mingka takkullea' anggaukangi.

Tena nakugaukangi kabajikanga situru' apa kukaerokia; passangalinna apa-apa takukaerokia kugaukang, iamintu kaja'dallanga.

Punna kugaukang apa-apa takukaerokia, sikontutojenna teai inakke anggaukangi sikammaya anjo, passangalinna dosa makoasaya lalang ri kalengku anggaukangi.

Jari, kubodoimi kanangku angkanaya iaminjo hukkung-hukkunga angngatoroki kalengku: iamintu angkanaya punna erokka' anggaukangi apa bajika, kajarianna apa ja'dalakaji ammumba ri kalengku. Atingku lalang nangai apa-apa Napassuroanga Allata'ala

Jari, punna ia anjo apa-apa sisalaya siagang erokku kugaukang, battuanna kumangakuimi angkanaya annabai anjo hukkung-hukkung agama Yahudia.