Populaire Bijbelverzen uit ROMA 13

Delen

Boli'mi kamma na Batara Isa Almasi ampattantui apa siratanga nugaukang. Siagang teako mannuruki ri sipa'-sipa'na tau dorakaya sollanna nupasukku' nakacinnaia hawa napasunu.

Teako kainrangangi apa-apa mamo manna pole ri nai, pantaranganna kainrangang pangngamaseanga ri massing para ikau. Nasaba' inai-nai angkamaseangi paranna tau, sangkammami angkanaya nagaukang ngasemmi apa-apa Napassuroanga Allata'ala le'baka napabattu Musa.

Yangasenna taua musti mannuruki mae ri pamarentaya; nasaba' tena pamarenta tabattua ri Allata'ala kakoasanna. Siagang anne pamarenta ri kamma-kammaya anne, napajappai kakoasanna situru' Napassuroanga Allata'ala.

A'birimmi allalo bangngia; natasalloami nasingara'. Jari, baji' maki' ammari anggaukangi gau'-gau' sassanga. Parallui nipipakei kalenta sanjata singaraka.

Inai-nai angkamaseangi paranna tau, tena olona la'gau' ja'dala' ri paranna tau. Jari inai-nai angkamaseangi paranna tau, sangkammami angkanaya nagaukang ngasemmi sikamma apa napassuroanga hukkung agamaya.

Jari bayaraki mae ri pamarentaya apa siratanga nubayara' ri ia. A'bayarakko sima punna siratangko a'bayara' sima; siagang a'bayarakko sussung punna siratangko a'bayara' sussung. Musti nubilang lompoi tau siratang nubilang lompo siagang musti nupakala'biriki tau siratanga nupakala'biri'.