Populaire Bijbelverzen uit Matewu 7

Delen

“Kombelani, mi na ningwa; lavani, mi na si mana; gogotani, mi na tulelwa.

Nguko mmwani ni mmwani a kombelako, wa ningwa; awu a lavako, wa si mana; ni wule a gogotako, a na tulelwa.

“Ngu toneto, awu a engisako mapswi angu e ma veketa, a fana ni m'thu wo txhariha, a nga aka nyumba yakwe txitimwi ka dirigwi.

Ngu toneto, koko, totshe ti mi ti lavako kuve mi mahela vathu, va maheleni nanu. Awuwa ngu wona Mlayo ni gondo ya vaprofeti.”

Nguko txike txi songile, ni nzila ya kona yi khwete, ayi yi yisako wutomini, kambe mbadotho va yi manako.”

“Wulelani ngu txike txo songa, nguko txike txa kuanama ni nzila ya kuanama si yisa kulovani; se mbavangi va wulelako ngu sona.

Ngu konaho, hambi anu mi ku vathu va tshofu mi zivako kuninga sa sinene ka vanana vanu, ngutu-ngutu Tate wanu wa nzumani kha na mbi pindisa kuvaninga sa sinene ava va mu kombelako kani?

“Mi nga lamuleni kasiku mi si lamulwi nanu. Nguko mi na lamulwa nga ti mi lamulisako tona vamwani; ni mpimo wu mi pimako ngu wona vamwani, mi na pimwa ngu wona nanu.

“Kasi awule a engisako mapswi angu, a txi lamba ku ma maha, a fana ni m'thu wa dibhemba a nga aka nyumba yakwe ha divhunyeni.

Ngu kutxani u txi wona txizokoro txi txi ku disoni ka mkwanu, u si woni mtanda wu wu ku disoni kwako kani? Mwendo u nga wombawombisa kutxani ka mkwanu u txi khawe: ‘Thutha ni thavisa txizokoro disoni kwako’ kasi mtanda wu ho disoni kwako nawe, kani?

“Ti woneleni ka vaprofeti va makuhu, va tako kwanu va di ambate madhowo a tinvuta, kasi timbiluni kwawe maxolwa ma vhandamulako. Mi na va ziva ngu mihando yawe. Ina mi nga hapha mauvha amu ka tikwakwati, mwendo maxanvu amu ka sihaha kani?

Ngu toneto, wotshe mndonga wa wunene wu veleka mihando ya yinene, ani mndonga wo biha wu veleka mihando yo biha.

Mndonga wa wunene kha wu sikoti kuveleka mihando yo biha, ni mndonga wo biha kha wu sikoti kuveleka mihando ya yinene.

Mndonga wuhi ni wuhi wu si velekiko mihando ya yinene, wu na gangwa wu vinzwa ha mndiloni.