Populaire Bijbelverzen uit Matewu 15

Delen

Aniko asi si humako ngu mkanani, si khukhela mbiluni, eso ngu sona si bihisako m'thu. Nguko mbiluni, ngu kona kuhumako mialakanyo yo biha, kudaya, wugelegele, wugango, wukhamba, kusingeta ni kuruketela.

Hi nga sona si si wulelako mkanani si bihisako m'thu; aniko asiya si humako ngu mkanani ka m'thu ngu sona si mu bihisako.”

‘Avava vathu va ni dhumisa ngu sisofu sawe; aniko mbilu yawe yi kule ni nani. Va ni khizamela walo, nguko tigondo ti va gondisako nzileleto sa vathu dwe.’ ”

Sekoko Jesu a to mxamula a txi khene: “Wamsikati, kukholwa kwako nga hombe! Ti na maheke nga ti u ti lavisako tona.” Se kukhukhela ka yona yile mbimo, mwanana wakwe wa muhorana a to kalamuka.

Sekoko awule wamsikati a to ta hafuhi kwakwe, e ta mu khizamela, a txi khene: “Mkoma ni vhune!” Se ene a txi mu angula, a ti khene: “Hi nga ta tinene kuteka sakudya sa vanana si tshotshwa ka timbwa.” Se nene a nje khene: “Ina, Mkoma nditshuri; aniko siwana ni sona sa dya maruru ale ma wako ngu ha mezani ka vanyamne va sona.”