Populaire Bijbelverzen uit Johani 19

Delen

Ngako Jesu a di amukete vhinagre yile, a to khene: “Totshe ti hetisekile.” Se e namisa msungo e ningela moya.

Msana ka tiya, ngako Jesu a di woni ti to totshelele ti gumile, ni kufela kambe ku na tatiseka dipswi da Mibhalo, a to khene: “Nina ni ditora.”

Jesu a to wona Mame wakwe a di emile kumweko ni mgondiswa wu Ene a mu dhundako, se a txi gela Mame wakwe, a txi khene: “Wamsikati, mwanana wako ndiyo!” Ngu msana a to gela mgondiswa wakwe, a txi khene: “Mame wako ndiyo!” Se kukhukhela ka yona yile mbimo, mgondiswa wule a to mteka e tsula nayo m'tini kwakwe.

Kambe mbimo yi va nga hokela Jesu, ve wona ti to se a fite, kha va funyetela minenge yakwe. Aniko mmweyo wa masotxhwa a to mthola ha ka didhawa ngu ditxhari, se konaho ku to humela mnoha ni mati.

Nguko totshe tiya ti mahekile kasi kutatiseka ati ti nga bhalwa, va txi kha vona: “Dirambu dakwe ni da dimwedo kha di na mbi funywa.” Ka wumwani wukhalo ti bhatwe kambe, va txi kha vona: “Va na wonetela awule va nga mu bhaya.”

Se vona va to teka Jesu a di pakatile txihambano txakwe, a to huma e tsula ka wukhalo wu wu nga dhanwa ku i Txikwakwa, ngu Txihebheru va txi i “Golgota,”

Msana keto, masotxhwa ma to luka m'bhoti wa mipa, va txi msanzeka ha msungo kwakwe, se ve mu kapeka nguwo ya disilika do bhilivila.