Populaire Bijbelverzen uit Amatiyu 7

Delen

Aŋo o vẽ, nga aŋo ó yga. Aŋo o klo, nga aŋo ó hwiŋ. Aŋo o ta enzi, nga moa á hwile ŋo ayizhẽ.

Okyku eshi areyaŋ a mbo la a la a vẽ, á yga, areyaŋ a mbo la a la a klo nga, á hwiŋ, areyaŋ a mbo la a la a ta enzi nga, moa á hwile ŋa ayizhẽ.

Okyku eka he areyaŋ a mbo la a gno odlo me nga a kpaŋ lo le, aŋa á dzu eka ba are la a ka a bmye nga a mbdzi odne baŋ onmwre ongyeŋ.

Aŋo o kpo moahwõ ayakplo boŋ o klo moa a kpo ŋo. Eka he angyiŋ odaŋ ba Omusa, ta la onyenye moarehwĩ ba Ahogbrẽ a hom otum o lu.

Ozhẽ la o sõ o gre okro ba esõ, o fye kpate, nga o wo ewu o sosõ. Moare fi sha a la a sõ lo.

Agimi e sõ ozhẽ la o fye kpate. Ozhẽ la o sõ o gre enzheovo o hwrẽ hwla-hwla. Moare nzenze nga a la a sõ lo.

Agimi e wo abi egyagi a mbo, agimi e yi eheŋ ba o shri anzho adzadzi e shri e da moanwye bimi. Adigimi la a wo Ongyeŋ a mbo la a gre gimi, á shri ayakplo adzadzi á shri á da moa la a vẽ ŋa.

Aŋo o sõ arekyeŋ ombgu mbo, okyku o da Ahogbrẽ a mbo a sõ ŋo ombgu mbo. Okyku eshi Ahogbrẽ a mbo, á sõ ŋo ombgu ozhẽ okyekyeŋ eka boŋ o la o sõ moahwõ ombgu, nga aŋa á kpo otum la edgu odaŋ boŋ o la o kpo otum ta la lo.

Areyaŋ a mbo la a gno odlo me nga, a la a kpo otum ta la lo mbo le, moa á sko ŋa á zga eka ba are la a ka a bmye mbo nga a mbdzi odne baŋ endase.

Okyku eshi aŋo o se aso eyi anóŋ, nga aŋo o dzu anyuŋ ogbuokõ la o wo eyi boŋ o zga? Aŋo o ghwo o shri edgu esõ lo, boŋ o lu mi le, Aŋo o da me e se aso eyi boŋ, ambo aŋo o wo la anyuŋ ogbuokõ eyi boŋ?

Agimi e nyuŋ e kpo-kpo pa la moarehwĩ la a la a sheŋ akpro, ma Ahogbrẽ angyiŋ a hom mo otum. Moa á ba okro bimi la akpa ba ekylu egi edzi, ambo moa a wo ebuakam angyiŋ egi eshyẽ. Agi e nyuŋ e ka okyku edgu eda mo. Ezga e la e fu agbro anva mbo, nga eklu e la e fu agbro ebro mbo.

Esĩ aki la e wo edzi e la e fu agbro adzadzi, nga esĩ aki la e wo ebi e la e fu agbro abi.

Esĩ aki la e wo edzi e la e fu agbro abi mbo, nga esĩ aki la e wo ebi e la e fu agbro adzi mbo.

Esĩ aki la e fu agbro adzi mbo, moa a la a kplu lo a ygi ovo.