Populaire Bijbelverzen uit Matfiejo 5

Delen

I kiéli zahačkirena momoly, na čhuvéna la tel pirí, a dro šandalo (podsviečniko) te svencynel jag pir saró kher. Adiáke mek te svencynel tumarí jag angíl manušénde, sob (kaj) jone te dykhén tumaré lačhé réndy i te slavinén Dadés tumares Bolybnaskires.

Tumé isyn syr jag vaš saré manušénge. Fóro, so isyn pe bérga pe vučipén, na moginéla te ĥaradjol.

Bahtalé isyn odolé, savénde isyn žužó iló, pal-dová so jone dykhéna Devlés.

Bahtalé isyn odolé, konéskiro iló isyn bokhalo pal Devléskiro lav i syr paní drieván rodéla čačipén. Devél čaliakirela léngiro iló.

Ne Me phenáva tuménge: sykavén patýv péskire vergénge, i mangénpe Devléske pal odolénde, savé košena tumen, kerén lačhipén odolénge, savé drieván na kaména tumen i mangénpe Devléske pal odolénde, savé našukar otlydžanape ke tumé i tradéna tumen

“Bahtalé isyn odolé, savé džinéna, so léngire duhoske trej Devél; léngiro sys Kralipén dro Devléskiro Rajo.

Bahtalé isyn odolé, savé keréna ramánjo (miro), pal-dová so javéna te kharén len ‘Devléskire čhavé.’

Bahtalé isyn odolé, savé rovena, pal-dová so Devél podrikiréla léngiro dúho (fáno).

Bahtalé isyn odolé, konés tradéna pal čačipén; léngiro isyn Kralipén dro Devléskiro Rajo.

Bahtalé isyn odolé, savé primangena bang manušénge, pal-dová so lénge javéla primanglo.

Bahtalé san tumé, kiéli manušá javéna te košen tumen i te tradén, i javéna te rakirén nalačhé lavá pe tuménde pal Mánde. Javén bahtalé i radynénpe, pal-dová so baró otdyibén Devléstyr užakiréla tumen dro Bolybnáskiro Rajo: adiáke tradenas i prorokén, savé sys angíl tuménde.

Bahtalé isyn kovlé-ilýtka, pal-dová so phuv javéla léngiri.

Tumé isyn syr lond vaš saré manušénge. Kóli ž lond našavela péskiro londypen, nisyr naštý te kerés, sob (kaj) nevéstyr lond te javél londo; léste butýr ni savó lačhipén nane, jekh so te vyčhurdes les javrí te štaven manušá ĥerénca.

Paldová javén bidošakire, syr bidošakiro isyn tumaró Bolybnáskiro Dad.

Mek te javél tumaró lav ‘ny, ny’, ‘nad, nad’, a so upredyr daléstyr, dová isyn nalačhestyr.’

Tumé šundlé, so sys phendló: ‘Jakh pal jakh, i dand pal dand.’ Ne Me rakiráva tuménge: na ker fuipén pale odoléske, kon kerdiá fuipén túke; ne kon pekavela tut dre tyrí čačí (pravo) čam (ščoka), tén'či rískir ke jov javír.

Kóli ž čačí jakh zlydžala tut ke grého, rískir la javrí i vyčhurde; pal-dová so fedýr vaš túke te našaves jekh jakh, syr saró te džal dro liúno (ado). Kóli ž čačó vast lydžála tut ke grého, otčingir les i vyčhurde; pal-dová so fedýr vaš túke te našaves jekh vast, syr saré masá te džán dro liúno.