Populaire Bijbelverzen uit Jowãw 19

Delen

Mã cute to ihkõm ne harkwa to: — Hamre, ramã ite ijàpên xà cunea jipêj, mã hamre! — hajỹr. Ne pea imput pec to mõ ne ihtyc.

Jirô pê mã ri Jeju te ramã pjê kam hàpên xà cunea jipêj na amji jahkre pej, na ri cute harkwa to: — Ampeaj kam imã kôr — hajỹr. Ne pê ramã Pahpãm jõ kàhhôc harkwa jarẽan xà na ri cute ihcakôc xà ita to hajỹr.

Mã Jeju te ipupun, ne icahê na inxi pupun, ne cumã: — Inxê, por ijaxà kam acahê na akra xa ata — hajỹr. Ne imã: — Jowãw, por ana acahê na xa ata — hane. Cwỳrjapê wa ite ahna amji caxàr, mã ijũrkwa kam hõtpê icahê na ihkrĩ.

Jirô pê mã ri ma Jeju wỳr me mõ, ne ahna me hàhtêp ne cute me hõmpun, mã ramã ihtyc tu ne ajêt. Cwỳrjapê ri nee cute mehte kwĩn nare. Mã krãhtare nõ te hõ kruwxwa to Jeju jĩpê kam caxwỳr, ne cumã caxàr, mã ihkôt mare mã caprô me cô ajxwỳ.

Pê Pahpãm jõ kàhhôc Jeju jarẽn to: — Quê ha nee ahi nõ impàt nare — hane. Ne pê hanea ne kam harẽn to: — Quê ha me, por kruwxwa to cute me jũm caxwỳr ata pupu — hane, ata na ri cute hajỹr.

Ne ma kẽn nõ ata wỳr me to mõ. Ne Juta catêjê jarkwa na kẽn ata japrỳ te Corcota, ne ihkôt harẽn xà te “Mehkrãhhi jõ kẽn”. Mã ma cute hõ pĩhti ata pỳn ne cupjê.

Mã krãhtare te me to hapactu na me ajpẽn par, ne me amji mã: — Hacme, ne ame to pajapactu — hajỹr. Ne cute hômjĩ to me cumã pahhi krãhkà, ne ihkrã mã me haxàr. Ne cute me hõ pahhi kà intepti ata mã me haxàr, ne ahna me hãm, mã xa.