Populaire Bijbelverzen uit Tijac 2

Delen

Hõ, quê ha jũm te ihcaprỳ na Jeju to amji mã ihhimpej to ipa na amji jarẽn, ne nee ihkôat amji kam hapac to ipa nare na, quê ha nee jũm ata apu amji mã hamãr nare.

Ne pom Pahpãm to amji mã me pahhimpej xà jarẽn me, cumã pajàpên nare ita pê ampo kôt hamreare ata pyràac. Ne ihhêj rũm cupê ramã mehtyc mã carõ hamreare pyràc, ne nee ampo caxuw impej nare, ne ampo na hamreare.

Me ikjêjê, ca ha me anõ te amji jarẽn to: — Wa itỳj Jeju to amji mã ihimpej to ipa — hajỹr, ne nee Jeju mã gàpên to apa nare ita kam, xà quê ha ajkĩ ihtỳj Pahpãm jũm te hajỹr ata kên pê hũtà? Hãpà! He Pahpãm mã ca nee ihkra pê Jeju ata to amji mã ahimpej nare.

Mõrmõ ca hãn ne atỳj amji mã Pahpãm jarẽn to: — Wa itỳj Pahpãm pyxit peaj ne ihtĩar na ihkrĩ na, amji mã to hane — hajỹr na, quê ha gũjarẽn xà ata nee Pahpãm kôt apa na garẽn nare. Ampo na? He ihtỳj hanea ne me pahcurê xwỳn carõ kên atajê me, cupẽ jarôti atajê amji mã Pahpãm krĩ na to hane, ne ihtỳj hũpa me cumã ihkàhhy krỳ cakrô, nee me cupê Pahpãm kôt me ipa catêjê nare.

Nãmri ca ha me anõ te imã: — Ca atỳj Jeju to amji mã ahimpej, ne cumã gàpên to apa, ne pa nare, wa cama Jeju to amji mã ihimpej to ipa, ne nee cumã ijàpên nare — hajỹr na, wa ha amã amji jarẽ ne amã: — Wa itỳj Jeju to amji mã ihimpej to ipa xà ita jĩkjê na, itỳj hanea ne cumã ijàpên to ipa. Ne ijàpên xà itajêa ri ihtỳj ikôt ipa na ijarẽ — hane. Ne ca, ca nee Jeju mã hàpên xà to gàpên nare, mã ahna me apupun nare ita kam, jũ mã quê ha me, ne ate Jeju to amji mã ahimpej na me gahkre pej? Jũ wỳr quê ha ita na ahna me gahkre pej!

Ne me pahcukij ne me pahto ipicokjêr xàa kam, quê ha Pahpãm cute mehkwỳ caprĩ nare atajê, hanea ne nee me caprĩ nare. Ne por mehkwỳ caprĩ, ne me to impejti atajê, quê ha Pahpãm ihtỳj me caprĩ, ne me to impejti ne.

Ne mẽr hõhõ, ita na me gũcapi to impeaj ne he. Nee mã cu Pahpãm to pahte amji kam me pajapac xà atajê pit, Pahpãm cuna mã me pampejti na me pajaxôr nare. Ne quêt cu hãn ne hanea ne Pahpãm mã me pajàpên xà ton to me papa atajê ri, Pahpãm cuna mã me pampejti na me pajaxô.

Ne pom cute ajmãr ihkra curan, mã cute ahna hõmpun ita, ihtỳj amji caxuw Pahpãm kam hapac pejti na harẽ, ne ihtỳj hanea ne amji mã to ihhimpej na harẽ.