Populaire Bijbelverzen uit Māteo 5

Delen

ꞌIna he nuꞌu haka pura i te hakariꞌi mo haka rē ꞌi raro i te ꞌavahata; e haka rē ena ꞌi te kona ruŋa nui mo haka māꞌeha i te nuꞌu taꞌatoꞌa o roto i te hare. Pē ira kōrua ana haka tere ꞌi muꞌa o te taŋata. Ka takeꞌa ena, paꞌi, i te kōrua haka tere iŋa tano ki te mata o te ꞌAtua, he haꞌahana-hana tahi ki te kōrua Matuꞌa o te raŋi.

»A kōrua he mōrī mo te ao nei. Te nūnaꞌa hare ꞌi ruŋa i te maꞌuŋa e ko taꞌe takeꞌa e te taŋata.

Ko te koa i te nuꞌu māhatu maꞌitaki; e takeꞌa rō e rāua i te ꞌAtua.

Ko te koa i te nuꞌu te rāua meꞌe haŋa mau nō he tano o te haka tere iŋa o te taŋata ki te mata o te ꞌAtua; te ꞌAtua e haka tano rō i rā meꞌe.

ꞌE, ꞌī a au he kī atu: e haŋa kōrua ki te nuꞌu maꞌu i te riri mo kōrua, ꞌe e pure mo te nuꞌu tute i a kōrua mo tōtōā.

«Ko te koa i te nuꞌu ꞌite taꞌe i a rāua mau nō te rāua ora; i te nuꞌu nei te haka tere iŋa ꞌāpī o te ꞌAtua.

Ko te koa i te nuꞌu aŋa mo ai o te haumārū ꞌi roto i te taŋata; e kī rō e te nuꞌu he ŋā poki o te ꞌAtua.

Ko te koa i te nuꞌu taŋi ꞌe ꞌamo i te ꞌati; e haka koa rō a rāua e te ꞌAtua.

Ko te koa i te nuꞌu tute mo tōtōā ꞌo te aŋa i te meꞌe haŋa o te ꞌAtua; a rāua o roto i te haka tere iŋa ꞌāpī ōꞌona.

Ko te koa i te nuꞌu e haka ꞌaroha rō ꞌana i te rua; e haka ꞌaroha takoꞌa rō te ꞌAtua i a rāua.

»Ko te koa i a kōrua ꞌi te hora vā-vā ꞌe tōtōā atu e te taŋata, ꞌe ꞌi te hora haꞌaꞌino hai rauhuru nō atu reo-reo ꞌo te peꞌe mai o kōrua ki a au. E koa; ꞌi te raŋi e vaꞌai rō atu e te ꞌAtua i te meꞌe nui-nui mo haka koa i a kōrua. Pē ira takoꞌa i tōtōā ai i te perofeta o muꞌa ꞌā.

Ko te koa i te nuꞌu taꞌe manaꞌu i hau rō atu rāua ki te rua; ki a rāua ka vaꞌai ena i te henua.

»A kōrua he miti mo te taŋata o te ao nei. Mo kore tāꞌue te maŋeo o te miti, ꞌina ōꞌona hauhaꞌa toe; ꞌina paꞌi, he rāveꞌa mo haka maŋeo haka ꞌou. He hoa ki te ara ꞌe he rei-rei e te taŋata.

»E ai kōrua he nuꞌu ꞌina e tahi hape, pa he Matuꞌa o kōrua ꞌi te raŋi.

Te meꞌe mau nō mo kī: “ꞌina” ꞌo “ꞌē-ē”. Te vānaŋa haka ꞌou kī mo ꞌata haka pūai i te ŋā vānaŋa nei ꞌa Rukifero.

»A kōrua ko ŋaroꞌa ꞌana i te kī: “Te kope ka-karo i te mata o te rua he ꞌauhau hai mata mau era ꞌā ōꞌona. ꞌE te niho hai niho”. ꞌE, ꞌī a au he kī atu: ꞌina koe ko haka hoki hai meꞌe taꞌe tano ki te meꞌe taꞌe tano aŋa atu e te rua. Te meꞌe mau ꞌāꞌau mo aŋa ko te meꞌe nei: mo puꞌa atu o te kope e tahi i tuꞌu pāꞌiŋa ꞌāriŋa mataꞌu, e vaꞌai te rua pāꞌiŋa.

»ꞌO ira, mo haka hara atu i a koe e tuꞌu mata mataꞌu, ka kume, ka hoa ki kōnui. I hau ꞌi te tano mo kore e tahi kona o tuꞌu hakari, ki te hoa i tuꞌu hakari taꞌatoꞌa ki roto i te pōꞌauahi. ꞌE mo haka hara atu i a koe e tuꞌu rima mataꞌu, ka hore, ꞌai ka hoa rō ki kōnui. I hau ꞌi te tano mo kore e tahi kona o tuꞌu hakari, ki te hoa i tuꞌu hakari taꞌatoꞌa ki roto i te pōꞌauahi.