Populaire Bijbelverzen uit ꠁꠘ꠆ꠎꠤꠟ ৬: ꠞꠥꠝꠣꠘ 6

Delen

ꠀꠍꠟꠦ ꠉꠥꠘꠣꠞ ꠝꠎꠥꠞꠤ ꠅꠁꠟ ꠝꠃꠔ, ꠅꠁꠟꠦ ꠀꠟ꠆ꠟꠣꠞ ꠞꠢꠝꠔꠞ ꠖꠣꠘ ꠅꠁꠟꠉꠤ ꠀꠝꠞꠣꠞ ꠝꠣꠟꠤꠇ ꠁꠍꠣ ꠀꠟ-ꠝꠍꠤꠞ ꠃꠍꠤꠟ꠆ꠟꠣꠄ ꠀꠈꠦꠞꠤ ꠎꠤꠘ꠆ꠖꠦꠉꠤ।

ꠔꠥꠝꠞꠣ ꠔ ꠉꠥꠘꠣꠞ ꠉꠥꠟꠣꠝ ꠘꠣꠄ, ꠡꠞꠤꠅꠔꠞ ꠀꠅꠔꠣꠄꠅ ꠘꠣꠄ, ꠈꠣꠟꠤ ꠀꠟ꠆ꠟꠣꠞ ꠞꠢꠝꠔꠞ ꠔꠟꠦ ꠀꠍ।

ꠅꠃ ꠉꠥꠍꠟꠞ ꠇꠣꠟꠅ ꠀꠝꠞꠣꠞꠦ ꠔ ꠀꠟ-ꠝꠍꠤꠞ ꠟꠉꠦ ꠇꠄꠛꠞ ꠖꠦꠅꠀ ꠅꠁꠍꠦ। ꠀꠞ ꠉꠣꠁꠛꠤ ꠛꠣꠚ ꠀꠟ꠆ꠟꠣꠄ ꠔꠣꠘ ꠝꠢꠣ ꠇꠥꠖꠞꠔꠦ ꠀꠟ-ꠝꠍꠤꠞꠦ ꠎꠦꠟꠣ ꠇꠄꠛꠞ ꠕꠣꠇꠤ ꠎꠤꠘ꠆ꠖꠣ ꠇꠞꠤ ꠔꠥꠟꠍꠂꠘ, ꠑꠤꠇ ꠅꠃꠟꠣ ꠀꠝꠞꠣꠅ ꠎꠣꠘꠥ ꠘꠄꠀ ꠎꠤꠘ꠆ꠖꠦꠉꠤꠄ ꠖꠤꠘ ꠇꠣꠐꠣꠁ।

ꠡꠞꠤꠟꠞ ꠇꠥꠘꠥ ꠅꠋꠉꠞꠦ ꠛꠖ ꠇꠣꠝꠞ ꠀꠔꠤꠀꠞ ꠛꠣꠘꠣꠁꠅ ꠘꠣ। ꠛꠞꠋ ꠘꠤꠎꠞꠦ ꠝꠥꠞ꠆ꠖꠣ ꠕꠣꠇꠤ ꠎꠤꠘ꠆ꠖꠣ ꠅꠀ ꠎꠘ ꠝꠘꠅ ꠇꠞꠤꠀ ꠙꠥꠞꠣꠙꠥꠞꠤ ꠀꠟ꠆ꠟꠣꠞ ꠀꠔꠅ ꠡꠙꠤ ꠖꠦꠅ, ꠡꠞꠤꠟꠞ ꠢꠇꠟ ꠅꠋꠉꠞꠦ ꠘꠦꠇ ꠇꠣꠝꠞ ꠀꠔꠤꠀꠞ ꠢꠤꠡꠣꠛꠦ ꠀꠟ꠆ꠟꠣꠞ ꠘꠣꠝꠦ ꠛꠤꠟꠣꠁ ꠖꠦꠅ।

ꠀꠝꠞꠣ ꠁꠈꠣꠘ ꠎꠣꠘꠤ, ꠀꠝꠞꠣꠞ ꠡꠞꠤꠟꠞ ꠛꠖ ꠈꠣꠁꠡꠞꠦ ꠛꠦꠇꠣꠝꠣ ꠇꠞꠣꠞ ꠘꠤꠅꠔꠦ ꠀꠝꠞꠣꠞ ꠙꠥꠞꠣꠘ ‘ꠀꠝꠤ’ꠞꠦ ꠀꠟ-ꠝꠍꠤꠞ ꠟꠉꠦ ꠍꠟꠤꠛꠞ ꠃꠙꠞꠦ ꠝꠣꠞꠤꠀ ꠚꠣꠟꠣꠁꠟ ꠅꠁꠍꠦ, ꠎꠣꠔꠦ ꠀꠝꠞꠣ ꠀꠞ ꠉꠥꠘꠣꠞ ꠉꠥꠟꠣꠝ ꠘꠣ ꠞꠁ।

ꠑꠤꠇ ꠅꠃꠟꠣ, ꠔꠥꠝꠞꠣꠅ ꠝꠘꠅ ꠇꠞꠤꠅ, ꠉꠥꠘꠣꠞ ꠈꠦꠝꠔꠣꠞ ꠛꠦꠙꠣꠞꠦ ꠔꠥꠝꠞꠣꠞ ꠝꠞꠘ ꠅꠁꠉꠦꠍꠦ, ꠅꠈꠘ ꠈꠣꠟꠤ ꠁꠍꠣ ꠀꠟ-ꠝꠍꠤꠞ ꠘꠣꠝꠦ ꠀꠟ꠆ꠟꠣꠞ ꠝꠢꠤꠝꠣꠞ ꠟꠣꠉꠤ ꠎꠤꠘ꠆ꠖꠣ ꠀꠍ।

ꠔꠦ ꠅꠈꠘ ꠀꠝꠞꠣ ꠅꠟꠣ ꠇꠁꠔꠣꠝ ꠘꠤ, ꠀꠝꠞꠣꠞ ꠃꠙꠞꠦ ꠎꠣꠔꠦ ꠀꠟ꠆ꠟꠣꠞ ꠞꠢꠝꠔ ꠀꠞꠅ ꠛꠣꠠꠦ, ꠄꠞꠟꠣꠉꠤ ꠀꠝꠞꠣ ꠀꠞꠅ ꠉꠥꠘꠣ ꠇꠞꠣꠔ ꠞꠁ? ꠘꠣꠃꠎꠥꠛꠤꠟ꠆ꠟꠣ, ꠝꠥꠐꠦꠃ ꠘꠣ! ꠉꠥꠘꠣꠞ ꠛꠣꠛꠔꠦ ꠀꠝꠞꠣ ꠔ ꠝꠞꠤꠉꠦꠍꠤ, ꠔꠦ ꠁ ꠝꠥꠞ꠆ꠖꠣ ꠢꠣꠟꠔꠦ ꠅꠈꠘ ꠀꠞ ꠇꠦꠝꠘꠦ ꠉꠥꠘꠣꠞ ꠇꠣꠝꠅ ꠞꠁꠔꠣꠝ?

ꠔꠥꠝꠞꠣ ꠛꠥꠎ ꠘꠣ ꠘꠤ, ꠔꠥꠝꠞꠣ ꠎꠦꠛꠟꠣ ꠘꠤꠎꠞꠦ ꠇꠦꠃꠞꠞ ꠀꠔꠅ ꠡꠙꠤ ꠖꠤꠀ ꠔꠣꠞ ꠢꠥꠇꠥꠝ ꠝꠣꠚꠤꠇ ꠌꠟ, ꠔꠦ ꠄꠝꠘꠦꠃ ꠔ ꠔꠣꠞ ꠉꠥꠟꠣꠝ ꠛꠘꠤꠎꠣꠅ। ꠅꠟꠣꠈꠣꠘ ꠔꠥꠝꠞꠣ ꠢꠄꠔ ꠉꠥꠘꠣꠞ ꠉꠥꠟꠣꠝ ꠛꠘꠤꠀ ꠝꠞꠛꠣꠄ, ꠀꠞꠘꠣꠄ ꠀꠟ꠆ꠟꠣꠞ ꠉꠥꠟꠣꠝ ꠛꠘꠤꠀ ꠘꠦꠇ ꠇꠣꠝ ꠇꠞꠛꠣꠄ।

ꠀꠟ꠆ꠟꠣ ꠙꠣꠇꠞ ꠡꠥꠇꠥꠞ, ꠀꠉꠦ ꠎꠥꠖꠤꠅ ꠔꠥꠝꠞꠣ ꠉꠥꠘꠣꠞ ꠉꠥꠟꠣꠝ ꠀꠍꠟꠣꠄ, ꠔꠣ-ꠅ ꠁꠍꠣꠄꠁ ꠔꠞꠤꠇꠣꠞ ꠔꠣꠟꠤꠝ ꠙꠣꠁꠀ ꠢꠣꠞꠤ, ꠖꠤꠟꠦ-ꠎꠣꠘꠦ ꠁꠔꠣꠞ ꠀꠡꠤꠇ ꠅꠁꠍ। ꠉꠥꠘꠣꠞ ꠉꠥꠟꠣꠝꠤ ꠕꠣꠇꠤ ꠍꠣꠠꠣ ꠙꠣꠁꠀ, ꠘꠦꠇ ꠇꠣꠝꠞ ꠉꠥꠟꠣꠝ ꠅꠁꠍ।