1
ROMAFƆ 8:28
Onanto Eto Kakle Fɔfɔ Sɛkpɛle
LIP
Buyi boǝ lesa saa nǝ Onanto leeyifoo, iyifo itǝ lɛlɛkɛsǝ itǝ betidi ba laala wǝ nya ókpadi mǝ nkǝ beyifo wǝ keyifo.
Vergelijk
Ontdek ROMAFƆ 8:28
2
ROMAFƆ 8:38-39-38-39
Itsyise ékpako mɛ wuee bɛ kulesa saa ǝmbǝ nǝ luusǝnsǝ bo ku wǝ nti lǝ lelabi nǝ ufi utǝ bo eso. Ukpǝ nye nkpǝ lee kato eto batɔnkpe lee awɔnɔ eto ǝsuǝale ǝtsyuǝ, lefe nǝmfo lee nǝ luubǝ nye ǝsuǝale ǝtsyuǝ ditsyi kato fanloo nye lǝ kasɔ mfo nye lesa saa nǝ beyifoo, kulesa saa ǝmbǝ nǝ loofo bo nti bola kulefe ketsyiko lǝ Onanto eto lelabi nǝ úfi útǝ bo ɛyɛ lǝ Kristo Yesu Bonamute ǝsuǝ.
Ontdek ROMAFƆ 8:38-39-38-39
3
ROMAFƆ 8:26
Nya lǝ nko eto kusu komfo ǝsuǝǝ, nya Onanto eto Lɛwɔnɔ laawunsǝko bo kekleke nɛ, itsyise bumbǝ ale nya bunyi kase ele bǝ boto ola butǝ Onanto bɔyɛnko. Fɛɛ wǝ Lɛwɔnɔ kosate laakɔɛ kalɛ lekpakpa kǝtǝ bo fe kase ińyǝ itǝ bo lǝ kusu ko boǝmbofo bulǝkǝ kate ǝsuǝ.
Ontdek ROMAFƆ 8:26
4
ROMAFƆ 8:31
Lǝ nyamfo esoo, be ele bǝ bɔtɛyi? Lǝ Onanto ńyǝ bo kamaa, owoe loofo buńyǝ bo lǝ ǝsuǝ?
Ontdek ROMAFƆ 8:31
5
ROMAFƆ 8:1
Lǝ nyamfo esoo, mba nsi nkpǝ lǝ lɔniyifoyifo ku Kristo Yesu ǝsuǝǝ, Onanto embolo mǝ dikpi.
Ontdek ROMAFƆ 8:1
6
ROMAFƆ 8:6
Utidi wǝ eto nsusu nteke lǝ ǝsuǝ eto sinǝ eto asa ǝsuǝǝ, wǝǝnyǝ ukpǝ. Fɛɛ utidi wǝ eto nsusu nteke lǝ Lɛwɔnɔ Kɛnkɛ ǝsuǝǝ, wǝǝnyǝ nkpǝ manlo ku diyuǝsǝ.
Ontdek ROMAFƆ 8:6
7
ROMAFƆ 8:37
Nya lǝ nyamfo kenke ǝsuǝǝ, butǝkǝ kato ɛyɛ lǝ kase Kristo laala bo eso.
Ontdek ROMAFƆ 8:37
8
ROMAFƆ 8:18
Lǝ mɔ dinyǝbi ǝsuǝǝ, sitinti lǝ befi kanyi ka bɔnlɛ bunyǝ mɔmɔ mfoo, kanle kulesa saa kon lǝ befi bakatesǝko ku diyǝnde ku disuǝyuǝ nǝ Onanto luutǝ bunyǝ.
Ontdek ROMAFƆ 8:18
9
ROMAFƆ 8:35
Nya owoe loofo lelabi nǝ nkpe lǝ bonko Kristo eto nti bola? Kanyinyǝnyǝ lee bulǝ, lee ohiãtete, lee kukpɛnsɛ, lee leyasiǝsiǝ, lee sikpi bokpe, lee ukpǝ lee lesiabi eto kɛnyɛ?
Ontdek ROMAFƆ 8:35
10
ROMAFƆ 8:27
Nya Onanto wǝ nyi betidi eto ketu kemiǝǝ, yi lesa nǝ nkpe lǝ Lɛwɔnɔ eto nsusu ǝsuǝ tsya. Itsyise Lɛwɔnɔ nǝmǝ aalɛ Onanto lekpakpa lǝ bo disi fe kase Onanto laala.
Ontdek ROMAFƆ 8:27
11
ROMAFƆ 8:14
Itsyise betidi ba Onanto eto Lɛwɔnɔ laayɛnkoo, mǝ ni Onanto eto bebi nɛ.
Ontdek ROMAFƆ 8:14
12
ROMAFƆ 8:5
Betidi ba nsi nkpǝ lǝ mǝ ǝsuǝ eto ditsyǝbi fe kɔɔ, lǝ kase baalaa, mǝ nsusu si buteke lǝ asa nnya mǝ ǝsuǝ eto sinǝ laala ǝsuǝ. Fɛɛ mba nsi nkpǝ ɛyɛ lǝ Lɛwɔnɔ Kɛnkɛ ǝsuǝǝ, mǝ nsusu teke lǝ nnya Lɛwɔnɔ Kɛnkɛ laalaa ǝsuǝ.
Ontdek ROMAFƆ 8:5
13
ROMAFƆ 8:32
Nya lǝ Onanto mánni wǝ Ubi bufi kǝtǝ bo, bomu úfi wǝ útǝ kedi lǝ bo disii, beso wǝmbufi asa nnya ta utǝ bo kafo faa ɛyɛ lǝ wǝ Ubi ǝmfo ǝsuǝ?
Ontdek ROMAFƆ 8:32
14
ROMAFƆ 8:16-17
Onanto eto Lɛwɔnɔ ku bo awɔnɔ kenke lɛkɔ iyifo kɛnyɛ ka nlɛ bote bǝ buyifo Onanto eto bebi. Nya lǝ buyifo wǝ bebii, nyalɛ buyifo mba leedi wǝ bikǝ. Nya bo ku Kristo ebudi Onanto eto bikǝ bɔkɔ. Nya fe kase búnyǝ kanyi fe Kristo, nko ke bo tsya luuyǝnle fe wǝ nɛ.
Ontdek ROMAFƆ 8:16-17
15
ROMAFƆ 8:7
Nya utidi wǝ eto nsusu nteke lǝ ǝsuǝ eto sinǝ eto asa ǝsuǝ hãa, uyifo Onanto eto olo, itsyise weentsyue Onanto eto afi koto. Nya lǝ sitinti, wǝǝmbofo nnya koto butsyue tsya kulefe.
Ontdek ROMAFƆ 8:7
16
ROMAFƆ 8:19
Asa nnya Onanto díyifo kenke si ɛlɛ kusu bobe kekleke itǝ lefe nǝ Onanto luulǝkǝ wǝ bebi ote.
Ontdek ROMAFƆ 8:19
17
ROMAFƆ 8:22
Nya buyi boǝ ibǝ ese mɔmɔɔ, asa nnya Onanto díyifo kenke lɛ kanyi bunyǝ tinti, kakɔɛ fe usio wǝ nlabe kole.
Ontdek ROMAFƆ 8:22